бүгүн қәдир кечиси
ислам динида миң айдинму хәйрлик, дәп қарилидиған қәдир кечиси, рамизан ейиниң 27 – кечиси болған бүгүндур.
түркийә авази радийоси хәвири: қуран кәрим назил қилинишқа башлиған қәдир кечиси, «асманниң ишиклири ечилидиған вә тәвбиләр қобул қилинидиған мубарәк кечә» болуп, қуран кәримдә нами зикир қилинған бирдинбир кечә һесаблиниду.
қуран кәримдики қәдир сүрисидә бу кечә мундақ байан қилиниду: «биз қуранни һәқиқәтән шәби қәдридә назил қилдуқ. шәби қәдриниң немә икәнликини биләмсән? шәби қәдри (шәрәп вә пәзиләттә) миң айдин артуқтур. пәриштиләр вә җибриил шу кечидә пәрвәрдигариниң әмри билән (аллаһ тәқдир қилған) барлиқ иш үчүн (земинға) чүшиду. шу кечә таң йоруғанға қәдәр пүтүнләй тинч ـ аманлиқтин ибарәттур.»
диний ишлар башқармиси дин хизмәтлири баш идариси, қәдир кечиси мунасивити билән һәр хил паалийәтләрни өткүзиду.
дәнизли памуққәлә университетидики әһмәт хулуси әпәнди җамәси, әнқәрәдики бәштәпә милләт җамәси, истанбулдики җәннәт мәһәллиси йавуз султан сәлим, фатиһ, ташолуқ йешил җамәлири вә конйадики султан сәлим җамәсидә өткүзлидиған мәхсус паалийәтләрдә қуран кәрим вә мәвлут оқулиду.
