италийәдә ислам дүшмәнлири ислам мәркизигә һуҗум қилди

түркийә авази радийоси хәвири: италийә «‹ ANSA › хәвәр агентлиқи» ниң хәвәр қилишичә, ислам дүшмәнлиридин бир зораван ислам мәркизигә бесип кирип, мәркәзниң үч дәрвазисидин биригә зийан йәткүзгән, мәркәздики қуран кәримни йиртқан, һәмдә үстигә гирек киресит бәлгисини сизип, һақарәтлик сөзләрни йезип қойған,  андин пул сандуқи билән намаз вақтида ишлитилидиған микрофонни оғрилап қачқан.

мәркәз мәсулиниң ейтишичә, мәркәз икки күн бурун һуҗумға учриған, шуниң билән, мәсуллар мәркәзни тақиған.

мәлуматларға қариғанда, сақчилар вәқәни тәкшүрүшкә башлиған.

мәзкур мәркәздә алдинқи айму оғрилиқ вәқәси йүз бәргән болуп, намәлум бир киши ичкири кирип, пул сандуқини оғрилап кәткәниди.