mahir zeyn istanbulda konsért berdi

shiwétsiye puqrasi liwanliq naxshichi mahir zeyn istanbulda konsért berdi.

975025
mahir zeyn istanbulda konsért berdi

türkiye awazi radiyosi xewiri: inglizche, erebche we türkche naxshiliri bilen nam chiqarghan naxshichi mahir zeyn, yenikapida istanbul sheherlik hökümet teripidin orunlashturulghan ramizan paaliyetliri dairisde ötküzülgen «tarawihtin kéyin» namliq paaliyetke qatniship sehnige chiqti. u konsértini pelestin xelqige yardem meqsitide yenikapi paaliyet saheside jüme küni ötküzülgen «zulumgha lenet, qudusqa qollash» yighilishidiki pelestinge béghishlanghan naxshisini éytqan halda bashlidi.

uning «u sen», «qeyerdisen», «ramizan», «ya nebiy selam eleyk» dégendek nahayiti köp naxshisini intayin bérilip tingshighan muxlisliri, naxshichining bezi naxshilirini tengkesh qilip éytti.

u, konsérttin ilgiri anadolu agéntliqining ziyaritini qobul qilip, naxshilirining yérimigha yéqinining erebche we türkche arilash, bezilirining inglizche ikenlikini éytti.

mahir zeyn, «istanbuldiki qollighuchilirimdin dawamliq ijabiy pikirlerni alimen. anglighuchilirim bilen özara küchlük tesir körsitishimiz, hetta bezi inglizche naxshilirimnimu yadlap men bilen teng éytishidu» dédi.

igilinishiche, mahir zeynning istanbuldiki konsértliri bügün we etimu dawam qilidiken.



مۇناسىۋەتلىك خەۋەرلەر