19 – may atatürkni xatirlesh, yashlar we tenterbiye qizghin tebriklenmekte
19 – may mislisiz rehber mustapa kamal atatürkni xatirilesh, yashlar we tenterbiye bayrimi memliketning herqaysi jaylirida, shimaliy qibris türk jumhuriyitide we chet ellerdiki wakaletxanilirimizda qizghin tebriklenmekte.
türkiye awazi radiyosi xewiri: bügün mislisiz rehber mustapa kamal atatürkning samghungha yétip bérip, milliy küreshni ishqa kirishtürgenlikining 99 – yilliqi bolup, paytext enqerediki murasimlarning tunji adrési atatürk xatire sariyi boldi. yashlar we teterbiye ishliri ministiri osman ashqin baq, 81 wilayettin kelgen yashlar, tenterbiyechiler, xelq oyunliri ömekliri we shimaliy qibris türk jumhuriyitidin kelgen wekiller bilen birlikte atatürk xatire sariyini ziyaret qildi. heyet atatürkning qebrisige gülchembirek qoyghandin kéyin, hörmette turdi. ministir osman ashqin baq, istiqlal marshining oqulushidin kéyin atatürk xatire sariyining mexsus deptirige mundaq dep yazdi: « atatürk aliyliri! siz 1919 – yili 19 – may küni samghungha yétip bérip, ishqa kirishtürgen musteqilliq kürishi, türk tarixidiki eng muhim burulush nuqtiliridin biridur. shu küni siz samsunda yaqqan musteqilliq meshéli eziz xelqimizning qelbide tunji künidikige oxshashla cheksiz ishqi – muhebbet bilen üzlüksiz yanmaqta. tünügünki wetenni düshmen ishghaliyitidin qutquzush üchün küreshke atlanghan yashlarning ish – izlirigha, bügün oxshash roh bilen qorallanghan jenggiwar we wetenperwer yashlar warisliq qilmaqta. siz körsitip bergen yolni boylap, türkiyeni zamaniwi medeniyetning eng yüksek pellisige yetküzüsh nishanigha yétish üchün yashlirimiz bilen birlikte mürini mürige tirep üzlüksiz küresh qiliwatimiz. sizning yashlargha hediyengiz bolghan 19 – may atatürkni xatirilesh, yashlar we tenterbiye bayrimi küni munasiwiti bilen, sizni we pütkül qehrimanlirimizni cheksiz hörmet we iptixarliq tuyghusi ichide menggü yad étimiz. yatqan yéringiz jennet bolghay!»
81 wilayettin kelgen yashlar kéyinche jumhur reis rejep tayyip erdoghanni ziyaret qildi. jumhur reis erdoghan jumhur reislik sariyida bérilidighan iptar ziyapitidimu yashlar bilen bir yerge jem bolidu.
19 – may atatürkni xatirilesh, yashlar we tenterbiye bayrimi istanbul, izmir qatarliq türkiyening herqaysi jaylirida türlük murasimlar hem paaliyetler arqiliq tentenilik halda tebriklenmekte.
