osmanli we ottura asiya xanliqlirining munasiwiti toghrisida körgezme échildi

qazaqistan paytexti astanada "höjjetlerde osmanli döliti we ottura asiya xanliqliri munasiwetliri" namliq körgezme échildi.

osmanli we ottura asiya xanliqlirining munasiwiti toghrisida körgezme échildi

türkiye awazi radiyosi xewiri: türkiye dölet arxipliri bash idarisi, qazaqistan milliy muzéyi, türkiyening astanadiki elchixanisi we yunus emre inistitutining hemkarliqida, astananing paytext élan qilinghanliqining 20-yilliqi munasiwiti bilen "höjjetlerde osmanli döliti we ottura asiya xanliqliri munasiwetliri" namida körgezme échildi. körgezmining échilishigha, türkiyening astanada turushluq bash elchisi newzat uyanik, dölet arxipliri idarisining bash mudiri piroféssor doktor ughur ünal we bashqa nurghun méhmanlar qatnashti.

körgezmide osmanli we jumhuriyet arxipliridiki ottura asiya xanliqliri bilen bolghan munasiwetlerge alaqidar höjjetler, siyasiy mektuplar, elchilerning bir-birige qilghan sowghatliridin terkip tapqan 40 höjjet ülgiliri ziyaretchilerge échiwétildi.

türkiyening astanada turushluq bash elchisi newzat uyanik söz qilip, türkiyening ortaq til, din, tarix we medeniyetke ige döletler bilen bolghan munasiwetlirining barghanséri küchiyiwatqanliqidin memnunluq hés qilidighanliqlirini bildürdi.

dölet arxipliri idarisining bash mudiri ughur ünal osmanli arxipida texminen 95 milyon höjjet we 400 ming depter, enqerediki arxipta texminen 35 milyon höjjet we 95 ming depterning barliqini eskertip: "arxipimizdiki höjjetler peqet türkiyening ötmüshigila ait bolup qalmastin, belki yene osmanli bashqurushidin ayrilghan künimizidiki 40 tin artuq musteqil döletke munasiwetlik höjjetlermu bar" dédi.

astanadiki yunus emre türk medeniyet merkizining mudir wekili almagül isina, bu körgezmining köp tereplik medeniyet munasiwetlirining tereqqiyatigha muhim hesse qoshidighanliqini tekitlidi.



مۇناسىۋەتلىك خەۋەرلەر