османли вә оттура асийа ханлиқлириниң мунасивити тоғрисида көргәзмә ечилди

қазақистан пайтәхти астанада "һөҗҗәтләрдә османли дөлити вә оттура асийа ханлиқлири мунасивәтлири" намлиқ көргәзмә ечилди.

османли вә оттура асийа ханлиқлириниң мунасивити тоғрисида көргәзмә ечилди

түркийә авази радийоси хәвири: түркийә дөләт архиплири баш идариси, қазақистан миллий музейи, түркийәниң астанадики әлчиханиси вә йунус әмрә иниститутиниң һәмкарлиқида, астананиң пайтәхт елан қилинғанлиқиниң 20-йиллиқи мунасивити билән "һөҗҗәтләрдә османли дөлити вә оттура асийа ханлиқлири мунасивәтлири" намида көргәзмә ечилди. көргәзминиң ечилишиға, түркийәниң астанада турушлуқ баш әлчиси нәвзат уйаник, дөләт архиплири идарисиниң баш мудири пирофессор доктор уғур үнал вә башқа нурғун меһманлар қатнашти.

көргәзмидә османли вә җумһурийәт архиплиридики оттура асийа ханлиқлири билән болған мунасивәтләргә алақидар һөҗҗәтләр, сийасий мәктуплар, әлчиләрниң бир-биригә қилған совғатлиридин тәркип тапқан 40 һөҗҗәт үлгилири зийарәтчиләргә ечиветилди.

түркийәниң астанада турушлуқ баш әлчиси нәвзат уйаник сөз қилип, түркийәниң ортақ тил, дин, тарих вә мәдәнийәткә игә дөләтләр билән болған мунасивәтлириниң барғансери күчийиватқанлиқидин мәмнунлуқ һес қилидиғанлиқлирини билдүрди.

дөләт архиплири идарисиниң баш мудири уғур үнал османли архипида тәхминән 95 милйон һөҗҗәт вә 400 миң дәптәр, әнқәрәдики архипта тәхминән 35 милйон һөҗҗәт вә 95 миң дәптәрниң барлиқини әскәртип: "архипимиздики һөҗҗәтләр пәқәт түркийәниң өтмүшигила аит болуп қалмастин, бәлки йәнә османли башқурушидин айрилған күнимизидики 40 тин артуқ мустәқил дөләткә мунасивәтлик һөҗҗәтләрму бар" деди.

астанадики йунус әмрә түрк мәдәнийәт мәркизиниң мудир вәкили алмагүл исина, бу көргәзминиң көп тәрәплик мәдәнийәт мунасивәтлириниң тәрәққийатиға муһим һәссә қошидиғанлиқини тәкитлиди.



مۇناسىۋەتلىك خەۋەرلەر