чоң бушниң айали барбара буш аләмдин өтти

түркийә авази радийоси хәвири: буш аилисиниң байанатчиси җим мегрәс барбара бушниң вапатини йазма шәкилдә елан қилди.

байанатта, барбара бушниң сәйшәнбә (17-апрел) күни аләмдин өткәнлики, дәпнә мурасимиға мунасивәтлик ишларниң кейинчә уқтурулидиғанлиқи билдүрүлди. барбара бушниң оғли, шундақла американиң 43-нөвәтлик пирезиденти болған җорҗ в. буш (George W. Bush ) му анисиниң вапати тоғрисида йазма байанат елан қилди.

у байанатида: «барбара бушниң оғли болғанлиқим үчүн наһайити тәләйликмән, аилимиз уни көп сеғиниду. бу вақитта, биз билән биргә болғанлиқиңлар үчүн һәммиңларға тәшәккүр ейтимән» деди.

америка пирезиденти доналд трампму буш аилисигә тәзийә билдүрди. у: «барбара буш һәм дөлитигә һәмдә аилисигә өзини биғишилаш роһи билән һәр даим хатирилиниду» деди.

җорҗ х. в. буш йәкшәнбә (15-апрел) йазма байанат елан қилип, рәпиқиси бабара бушниң давалинишни рәт қилғанлиқини билдүргән иди. барбара бушниң йәнә бир оғли җеб буш 2017-йилдики пирезидентлиқ сайлимида җумһурийәтчиләрниң намзат намзати болған болуп, трампқа уттуруп қойған иди.

барбара буш 1925-йили нийу йоркта дунйаға кәлгән болуп, җорҗ х. в. буш билән 73 йил өй тутти. униң бәш пәрзәнти, 17 нәвриси бар. у америкада һәм йолдиши һәмдә оғли пирезидент болған икки айалниң бири иди.

абигейил адамс американиң иккинчи нөвәтлик пирезиденти, оғли җон квинси адамс 6-нөвәтлик пирезиденти болған иди.