т р т 23-апрел хәлқара балилар байрими бурсада башланди

бу йил (2018) бурсада өткүзүлидиған «т р т хәлқара 23-апрел балилар байрими» даирәсидә «фотографлар билән 40 йил» көргәзмисиму уйуштурулиду.

т р т 23-апрел хәлқара балилар байрими бурсада башланди

түркийә авази радийоси хәвири: бурса таййарә мәдәнийәт мәркизидә истиқлал маршиниң оқулушидин кейин «23-апрел балилар байрими» үчүн тәййарланған торт кесилди. бурса валийси иззәттин кичик ечилиш мурасимида сөз қилди. у бурса хәлқиниң 10 күн бойичә түркийәниң һәр қайси җайлири вә дунйаниң һәр қайси җайлиридин кәлгән балиларни күтүвалидиғанлиқини ейтти.

у 23-апрел байриминиң бурсада өткүзүлидиғанлиқидин хушаллиқ һес қилғанлиқлирини әскәртип, мундақ деди:

«дунйаниң омақ балилири силәрни бу йәрдә күтүдиғанлиқимиздин хушаллиқ һес қилимиз. силәрни бурсада күтүвелиштин қанчилик хушаллиқ вә сөйүнүш һес қилидиғанлиқимизни ипадиләшкә сөз йәтмәйду. силәрниң кәлгиниңлардин толиму пәхирләндуқ, бурсада 10 күн туруп, бир-биридин қизиқарлиқ хәлқ сәнәт номурлирини көрүсиләр, 10 күн бойичә бу шәһәргә сөйгү-хушаллиқ беғишлайсиләр. бурса хәлқи силәргә кәң қучақ ечип, бағриға басиду.»

валий иззәттин кичикниң нутқи ахиршқандин кейин «фотографлар билән 40 йил» көргәзмиси ечилди.



مۇناسىۋەتلىك خەۋەرلەر