erdoghan «paytext abdulhemid» namliq téléwiziye tiyatirini éksport qilishning zörüriyitini tekitlidi

jumhur reis rejep tayyip erdoghan, t r t 1 qanilida tarqitilishqa bashlighandin buyan tamashibinlarning küchlük qiziqishigha érishken «paytext abdulhemid» namliq téléwiziye tiyatiri toghrisida toxtaldi.

erdoghan «paytext abdulhemid» namliq téléwiziye tiyatirini éksport qilishning zörüriyitini tekitlidi

türkiye awazi radiyosi xewiri: jumhur reis rejep tayyip erdoghan, t r t 1 qanilida tarqitilishqa bashlighandin buyan tamashibinlarning küchlük qiziqishigha érishken «paytext abdulhemid» namliq téléwiziye tiyatirining oxshash bolmighan tillargha terjime qilinip, dunyaning her qaysi jaylirigha téz sürette éksport qilinishi kéreklikini éytti.

jumhur reis erdoghan, istanbuldiki yildiz (yultuz) sariyida ötküzülgen «wapatining 100 – yilida sultan abdulhemidni chüshinish» namliq paaliyette söz qilip, bir milletni mewjut qilidighan amilning uninggha eslime we xaraktér béghishlighan nersiler, tarixiy weqeler jughlanmisidin teshkil tapidighanliqini éytti.

türk tarixidin iptixarlinidighanliqlirini, her milletning bundaq bir tarixqa ige emeslikini tekitligen erdoghan, ötmüshtin sawaq élishqa sel qarimay kelgenliklirini eskertti.

abdulhemid xangha eng katta yiraqni körer we istratégiyelik anggha ige zatlarning biri, dep qaraydighanliqini qeyt qilghan erdoghan, «abdulhemid xanning <birlik we barawerlik herqandaq küchtin üstündur> dégen sözi hazirmu dölet we xelq bolup, bizning barliq xizmetlirimizge yétekchi bolushni dawamlashturmaqta» dédi.

«paytext abdulhemid» ke oxshash bir téléwiziye tiyatirini körürmenler bilen didarlashturghan t r t ghimu minnetdarliqini bildürgen erdoghan, bu téléwiziye tiyatirining dunyaning oxshash bolmighan ellirige süret bilen éksport qilinishi kéreklikini tekitlidi.

erdoghan, tarixchi piroféssor doktor ilber ortaylining tebiri boyiche, dunyaning eng axirqi alemshumul impératori dégen namni qaldurup ketken sultan abdulhemidni rehmet ichide esleydighanliqini sözlirige ilawe qildi.



مۇناسىۋەتلىك خەۋەرلەر