«türkiyege bu yil 1 milyon xitay sayahetchi kélishini kütimiz»

medeniyet we sayahet ishliri ministiri numan kurtulmush béyjingda mushu yilning axirighiche bir milyon xitay sayahetchining türkiyege kélishini arzu qilidighanliqlirini bildürdi.

«türkiyege bu yil 1 milyon xitay sayahetchi kélishini kütimiz»

türkiye awazi radiyosi xewiri: medeniyet we sayahet ishliri ministiri numan kurtulmush mushu yil axirighiche 200ming xitay sayahetchining türkiyege kélip sayahet qilishini mölcherliwatqanliqlirini éytip: «biraq bu san yéterlik emes, bu sanning bir milyongha yétishini arzu qilimiz»dédi.

kurtulmush resmiy ziyaret dairiside barghan xitayning paytexti béyjingda munularni bayan qildi: «xitay sayahet shirketliri bilen türkiye sayahet shirketliri otturisidiki hemkarliqning téximu küchiyishini arzu qilimiz. türkiyediki kungzi inistétuti bilen xitaydiki yunus emre inistétuti ikki dölet otturisidiki munasiwetlik téximu küchiyishi nuqtisidin muhim rol oynaydu.»

«bizning medeniy, siyasiy we iqtisadiy munasiwetlirimizde oxshashliqlar mewjut»dégen kurtulmush «bir belwagh bir yol»layihesi bilen ikki dölet munasiwetlirining her sahede küchiyishini arzu qilidighanliqini eskertti.

numan kurtulmush türkiye bilen xitay munasiwetlirining énérgiye, qatnash, medeniyet we sayahetchilik bolup her qaysi sayahede buningdin kéyin téximu küchiyidighanliqini oylaydighanliqlirini we buninggha izchil ehmiyet bérip kéliwatqanliqlirini tekitlep«bu qétimqi ziyaritimizmu medeniyet sahesidiki hemkarliqimizgha paydisi bolghusi»dédi.

kurtulmush béyjingda xitay medeniyet ishliri ministiri lo shugang bilenmu körüshti.

xitay medeniyet ishliri ministirliqi binasida élip bérilghan körüshüshte ikki dölet otturisidiki medeniyet we sayahetchilik mesililiri kéngesh qilindi.

xitay bilen türkiye otturisidiki munasiwetlerni we hemkarliqni kücheytishni arzu qilidighanliqlirini tekitlep ötken kurtulmush sözini dawamlashturup yene mundaq dédi: «sayahet saheside hemkarliqimizni kücheytishimiz kérek, munasiwitimizni kücheytidighan yumshaq küch del medeniyet we sayahet sahesidur, xitayda kéler yilning <türkiye sayahet yili>élan qilinishi medeniyet we sayahet ministirliqimizning eng muhim layihesidur.»

ministir kurtulmush jumhur reis rejep tayyip erdoghanmu qollap kéliwatqan «türk-xitay uniwérsitéti qurup chiqishning tolimu ehmiyetlik ish ikenlikini bildürüp, ikki döletning alaqidar ministirliqlirining bu ishqa alahide ehmiyet bérishi lazimliqini eskertti.



مۇناسىۋەتلىك خەۋەرلەر