«eng munewwer filim»
xelqara filim obzorchiliri fédératsiyesi, rézhissor nuri bilge jeylanning, 67 - nöwetlik kan filim féstiwalida, «altun palmiye» mukapati üchün riqabetke chüshken «qishliq uyqu» namliq filimini «eng munewwer filim» qilip bahalidi
türkiye awazi radiyosi xewiri: «eng munewwer filim»
xelqara filim obzorchiliri fédératsiyesi, rézhissor nuri bilge jeylanning, 67 - nöwetlik kan filim féstiwalida, «altun palmiye» mukapati üchün riqabetke chüshken «qishliq uyqu» namliq filimini «eng munewwer filim» qilip bahalidi. fédératsiyening oxshimighan döletlerdin 9 filim obzorchisidin teshkil tapqan bahalash heyiti, «altun palmiye» musabiqisige qatnashturulghan filimler arisida jeylanning «qishliq uyqu» namliq filimini birdek awaz bilen «eng munewwer filim» qilip bahalidi. nuri bilge jeylan, kanda ötküzülgen murasimda, özige oxshashla senet xaraktérlik filim ishleydighan rézhissorlarning filim obzorchiliridin mukapat élishining nahayiti zor ehmiyetke ige ikenlikini tekitlidi. melumatlargha qarighanda, 67 - nöwetlik kan filim féstiwali bügün ötküzülidighan mukapat tarqitish murasimi arqiliq axirlishidiken. igilinishiche, jeylanning «qishliq uyqu» namliq filimi, «altun palmiye» mukapatigha érishish éhtimali eng yuqiri filimlerdin dep qarilidiken.
