jumhur reis rejep tayyip erdoghan, Rassdnews médiya tori teripidin élip bérilghan bélet tashlashta «yilning eng serxil dunya lidiri» bolup tallandi.

amérika mudapie ministirliqi péntagon bayanatchisi dana wayt wezipisidin élip tashlinip, ornigha charlés é.sammérs teyinlendi.

hindonéziyede shiddetlik höl – yéghin keltürüp chiqarghan tagh siyrilip chüshüsh weqeside 2 adem qaza qildi, 41 adem yoqap ketti.

gérmaniye hökümet bayanatchisi yardemchisi martiné fiétz gérmaniye bash ministiri angéla mérkélning bolupmu süriyelik musapirlarni baghrigha bésish mesiliside türkiyening roligha yuqiri baha bergenlikini éytti.

yemen hökümiti shie husiylarni hudeyde portining bixeterlikini özige qarashliq küchlerge tapshurup bérish bilen eyiblidi.

ispaniyedin ayrilip chiqip kétishni xalaydighan kataloniye aptonom hökümiti, 2019 – yilimu musteqilliqni qolgha keltürüsh yolidiki xizmetlirini dawamlashturidighanliqining signalini berdi.

afghanistanning sherqidiki nangaxar wilayitide térrorluq teshkilati daéshqa qarshi élip bérilghan herbiy herikette nurghun térrorchi öltürüldi.

béyjing, amérika qoshma ishtatliri bilen kordinatsiye, hemkarliq we muqimliq arqiliq kücheytilgen ikki terep munasiwetlirini téximu ilgiri sürüshke teyyar ikenlikini bildürdi.

yawropa ittipaqi komitéti bashliqi jankér, ittipaqning bezi ezalirini tashqi chégralarni qoghdash jehette ikki yüzlimichilik qilish bilen eyiblidi.

rusiyening ural rayonida köp qewetlik bir binada meydangha kelgen gaz partlash weqeside 3 kishi hayatidin ayrildi, 3 kishi yarilandi.

kolombiye pirézidéntigha suyiqest qilishqa teyyarliniwatqanliqi ilgiri sürülgen 3 wénézuélaliq qolgha élindi.

jenubiy koréye pirézidénti mon jiyain shimaliy koréye pirézidénti kim jongunning mektubidin xursen bolghanliqini bildürdi.

bangladéshta ötküzülgen omumiy saylamda hakimiyet béshidiki hesine rehberligidiki awam ittipaqi zor perq bilen utup chiqti.

afghanistanda 2019 – yili aprélda ötküzülüshi pilanliniwatqan pirézidént saylimi 3 ay kéchiktürüldi.