gollandiye soti p k k ezasini qamaqqa höküm qildi
gollandiye türkiyening amistérdam konsulxanisigha molotop bilen hujum qilghan bölgünchi térrorluq teshkilati p k k ezasi erjan polaterini 16 ayliq qamaqqa höküm qildi.
türkiye awazi radiyosi xewiri: amistérdam soti türkiye konsulxanisigha molotop bilen hujum qilghan bölgünchi térrorluq teshkilati p k k ezasi erjan polaterining qamaqqa höküm qilinghanliqi toghrisida yazma bayanat élan qildi. bayanatta, jawabkar erjan polatergha 2018-yil 11-awghust qestenlik bilen türkiye konsulxanisini hujum nishani qilip tallap, suniy usulda yasalghan üch dane partlatquch bilen hujum qilghanliqi sewebidin alte ay kapaletke qoyup bérish mudditini qoshup, jemiy 16 ayliq qamaqqa höküm qilinghanliqi qeyt qilindi.
bayanatta, jawabkar erjan polatergha teptish telep qilghan 20 ayliq qamaq jazasidin az bolghanliqigha, hujum jeryanida konsulxana we etrapida héchkimning yoq bolushi seweb qilip körsitildi. uninggha bérilgen jazada yene, 2017-yili gérmaniyediki türkiye konsulxanisigha yéqin jayda ikki molotop bilen tutulghanliqinngmu diqqetke élinghanliqi eskertildi.
ötken yili (2018) türkiyening amistérdam konsulxanisigha molotop bilen bilen hujum qilghan jinayetchi, saqchilar teripidin qolgha élinghan idi. hujum netijiside, konsulxana binasi chong buzghunchiliqqa uchrimighan bolup, gollandiye teptishi ötken ay (yanwar) uninggha 20 ayliq qamaq jazasi bérilishini telep qilghan idi.
jinayetchining, adana 8- jinayi ishlar sot mehkimisi teripidin térrorluq teshkilati p k k|k j k gha eza bolghanliqi sewebidin qizil renglik tutush buyruqi chiqirilghan we 1983-yili tughulghan erjan polater ikenliki, uning gollandiyedin panahliq tiligenliki bildürülgen idi.
xewpsizlik tarmaqliridin élinghan melumatlarda körsitilishiche, gollandiyede 2004-yili élip bérilghan bir qétimliq herikette qolgha chüshken erjan polater gollandiye hökümitidin panahliq tiligen. netijide uning panahliq iltimasi qobul qilinghan bolup, u barghan bashqa döletlerde tutulghan bolsimu, emma gollandiyening bergen panahliqi bilen qoyup bérilgen.
erjan polater2012-yili 16-iyul türkiyening telipi bilen bulghariyede tutulghan bolup, shu waqittimu gollandiyening bergen panahliqi seweblik qoyup bérilgen.
