иран йадро пирограммисидин ваз кәчмәйдиғанлиқини билдүрди

ирақ пирезиденти һәсән руһани, иранниң йадро пирограммисини тәрәққий қилдурушни давмлаштуридиғанлиқини билдүрди.

иран йадро пирограммисидин ваз кәчмәйдиғанлиқини билдүрди

түркийә авази радийоси хәвири: ирақ пирезиденти һәсән руһани, иранниң һәрбий күчини ашуруш йолида изчил тиришидиғанлиқини вә йадро пирограммисини тәрәққий қилдурушни давмлаштуридиғанлиқини билдүрди.

теһранниң азади мәйданида өткүзүлгән иран ислам инқилабиниң 40-йиллиқини тәбрикләш паалийитидә сөз қилған руһани: һәр хил типтики башқурулидиған бомбиларни тәрәққий қилдуруш үчүн башқилардин рухсәт елишниң һаҗити йоқ, һәрбий күчимизни ашуруш үчүн изчил тиришимиз, деди.

иран ташқи шлар министирлиқи байанатчиси бәһрам қасимиму, америка һөкүмитиниң теһран һакимийитиниң американиң 2231 номурлуқ қарариға зит һәрикәт қилғанлиқи тоғрулуқ бәргән байанати һәққидә мәхсус байанат бәргәниди.

қасими мундақ дегәниди: «америка бундақ мәсилиләрни  күнтәртипкә елип келиш арқилиқ йадро келишими мәсилисидә йолға қойған хата истратегийәсини йошурушқа уруниватиду. бу сәвәбтин йадро келишими вә б д т ниң 2231 номурлуқ қарариниң нәтиҗисиз  болғанлиқини дәп кәлмәктә. бу қарарға зит һәрикәт қилған йадро келишимидин чекинип чиққан америкадур , иран мудапиә вә башқурулидиған бомба пирограммилирини тохтатмайду.»

америка пирезиденти доналд трамп 2015-йили 14-ийулда вийанада америка, хитай, русийә, әнглийә, фирансийә, германийә билән иран оттурисида һасил қилинған вә 2016-йили 16-йанварда йолға қойулған кәң даирилик ортақ һәрикәт пилани намлиқ йадро келишимидин чекинип чиққанлиқини вә иранға қайтидин ембарго қойулидиғанлиқини җакарлиди.

икки басқучлуқ ембарголарниң дәсләпки басқучи бултур7-авғустта, иккинчи басқучи болса бултур 5-нойабирда йолға қойулғаниди.



مۇناسىۋەتلىك خەۋەرلەر