amérika eskerlirining bir nechche hepte ichide süriyedin resmiy chékinip chiqidighanliqi bildürüldi

amérika armiye bash qomandanliq ishtabi qomandanliridin général josip wotél,amérika eskerlirining bir nechche hepte ichide süriyedin resmiy chékinip chiqidighanliqini bildürdi.

amérika eskerlirining bir nechche hepte ichide süriyedin resmiy chékinip chiqidighanliqi bildürüldi

türkiye awazi radiyosi xewiri: amérika armiye bash qomandanliq ishtabi qomandanliridin général josip wotél, süriyediki amérika eskerlirining bir nechche hepte ichide chékinishke bashlaydighanliqini éytti.

général wotél, muxbirlarning süriyediki 2000dek amérika eskirining qachan chékinip chiqidighanliqi toghruluq sorighan soaligha mundaq jawab berdi: «eskerlirimiz belkim bir nechche hepte ichide chékinishke bashlishi mumkin, biraq bu sharaitqa baghliqtur, lékin choqum chékinip chiqimiz.»

général wotél, amérika eskerlirining chékinip chiqishining yenila sharaitqa baghliq ikenlikini eskertti.

amérika armiyesining süriyediki bir qisim herbiy eslihelerni yötkeshke bashlighanliqi bildürüldi.  

général wotél: eskerlerni chékindürüsh herbiy eslihelerni yötkeshke qarighanda téximu asan, bu sewebtin aldi bilen herbiy eslihelerni yötkewatimiz, dédi.

iraqtiki amérika eskerlirining ehwali toghruluq toxtalghan wotél, iraqtiki amérika eskerlirining sanining shu péti qalidighanliqini bildürdi.

wotél mundaq dédi: «éhtiyajimiz bolmighan yaki wezipisi axirlashqan eskerlerni qayturuwétimiz.»

amérikaning iraqtiki daéshchilarni bir terep  qilish üchün 5000dek eskiri wezipe öteydu.


خەتكۈچ: süriye , amérika

مۇناسىۋەتلىك خەۋەرلەر