америка әскәрлириниң бир нәччә һәптә ичидә сүрийәдин рәсмий чекинип чиқидиғанлиқи билдүрүлди

америка армийә баш қоманданлиқ иштаби қоманданлиридин генерал җосип вотел,америка әскәрлириниң бир нәччә һәптә ичидә сүрийәдин рәсмий чекинип чиқидиғанлиқини билдүрди.

америка әскәрлириниң бир нәччә һәптә ичидә сүрийәдин рәсмий чекинип чиқидиғанлиқи билдүрүлди

түркийә авази радийоси хәвири: америка армийә баш қоманданлиқ иштаби қоманданлиридин генерал җосип вотел, сүрийәдики америка әскәрлириниң бир нәччә һәптә ичидә чекинишкә башлайдиғанлиқини ейтти.

генерал вотел, мухбирларниң сүрийәдики 2000дәк америка әскириниң қачан чекинип чиқидиғанлиқи тоғрулуқ сориған соалиға мундақ җаваб бәрди: «әскәрлиримиз бәлким бир нәччә һәптә ичидә чекинишкә башлиши мумкин, бирақ бу шараитқа бағлиқтур, лекин чоқум чекинип чиқимиз.»

генерал вотел, америка әскәрлириниң чекинип чиқишиниң йәнила шараитқа бағлиқ икәнликини әскәртти.

америка армийәсиниң сүрийәдики бир қисим һәрбий әслиһәләрни йөткәшкә башлиғанлиқи билдүрүлди.  

генерал вотел: әскәрләрни чекиндүрүш һәрбий әслиһәләрни йөткәшкә қариғанда техиму асан, бу сәвәбтин алди билән һәрбий әслиһәләрни йөткәватимиз, деди.

ирақтики америка әскәрлириниң әһвали тоғрулуқ тохталған вотел, ирақтики америка әскәрлириниң саниниң шу пети қалидиғанлиқини билдүрди.

вотел мундақ деди: «еһтийаҗимиз болмиған йаки вәзиписи ахирлашқан әскәрләрни қайтуруветимиз.»

американиң ирақтики даешчиларни бир тәрәп  қилиш үчүн 5000дәк әскири вәзипә өтәйду.



مۇناسىۋەتلىك خەۋەرلەر