amérika fédratip hökümitining qaytidin taqilip kétish éhtimalining barliqi bildürüldi

amérika fédratip hökümitining chégra tamlirigha ajrilitidighan fond mesilisi seweblik qaytidin taqilip kétish éhtimalining barliqi bildürüldi.

amérika fédratip hökümitining qaytidin taqilip kétish éhtimalining barliqi bildürüldi

türkiye awazi rdiyosi xewiri: amérika fédratip hökümitining 35 kün taqilip qélishigha seweb bolghan «chégra tamliri fond»kirizisi hélihem dawamlashmaqta.

dölet mejliside dawamlishiwatqan omumiy rasxot muzakirilirining, méksika chégrasigha sélinidighan tamlargha ajritilidighan  fond mesilisi bilen chégradiki mehbuslarning sani toghruluq kélishim hasil qilinalmasliqi tüpeyli aqsap qéliwatqanliqi we fédratip hökümetning qaytidin taqilip kétish éhtimali barliqi bildürüldi.

amérika taratqulirining ziyaritini qobul qilghan mesullar, dölet mejlisidiki muzakirilerning ongushluq bolmaywatqanliqini bildürüshti.

«Fox»xewer téléwiziye qanilining ziyaritini qobul qilghan we muzakirilerde muhim rol oynap kéliwatqan amérika aliy palata ezasi tahsisatlar komitéti bashliqi richard shélbay: muzkiriler peqetla ongushluq bolmaywatidu, bügün yaki ete derhal heriketke ötishimiz kérek, chünki waqit ötüwatidu, dédi.

shélbay, démokratchilar partiyesi parlamént ezalirining méksika chégrasigha sélinidighan tamlargha pirézidént donald tramp telep qilghan fondning ajritilishini qobul qilmay kéliwatqanliqini éytti.

trampmu twittér adrésida démokratchilar partiyesi ezalirini tenqid qilip munularni dédi: «chégra komitétidiki démokratchilarning kélishim hasil qilishigha ruxset qilinmidi, dep oylimaymen. jiddiy berpa qilinishi kérek bolghan chégra tamlirigha nahayiti az pul ajritip bérishni dewatidu, uning üstige nazaret astigha élinghan mehbuslarning sanini eng yuqiri chekke yetküzüshni telep qilmaqta.»

démokratchilar chégra tamlirigha 2 milyard dollardin artuq fond ajritilishining toghra bolmaydighanliqini yaqlap kelmekte.

démokratchilar chégradiki türmilerde karwat sanining ashurulushining toghra bolmaydighanliqini bildürmekte.

amérika dölet mejlisi méksika chégrasigha sélinidighan tamlargha, donald tramp telep  qilip kéliwatqan 5 milyard 700 milyon dollarliq fondni waqitliq rasxotqa kirgüzmigen teqdirde yaki hökümet bilen mejlis otturisida yéngi kélishim hasil qilinmisa hökümet mushu jüme küni qaytidin taqilidu.

donald tramp, 25-yanwarda hökümetni 3 hepte waqitliq échip turush mesiliside mejlis rehberliri bilen kélishim hasil qilghanidi.

pirézidént donald tramp, 3 hepte ichide chégra bixeterliki mesiliside kélishim hasil qilinishini arzu qilidighanliqini, eksiche hökümetning qaytidin taqilip kétidighanliqini bildürgenidi.  


خەتكۈچ: donald tramp , amérika

مۇناسىۋەتلىك خەۋەرلەر