америка федратип һөкүмитиниң қайтидин тақилип кетиш еһтималиниң барлиқи билдүрүлди

америка федратип һөкүмитиниң чегра тамлириға аҗрилитидиған фонд мәсилиси сәвәблик қайтидин тақилип кетиш еһтималиниң барлиқи билдүрүлди.

америка федратип һөкүмитиниң қайтидин тақилип кетиш еһтималиниң барлиқи билдүрүлди

түркийә авази рдийоси хәвири: америка федратип һөкүмитиниң 35 күн тақилип қелишиға сәвәб болған «чегра тамлири фонд»киризиси һелиһәм давамлашмақта.

дөләт мәҗлисидә давамлишиватқан омумий расхот музакирилириниң, мексика чеграсиға селинидиған тамларға аҗритилидиған  фонд мәсилиси билән чеградики мәһбусларниң сани тоғрулуқ келишим һасил қилиналмаслиқи түпәйли ақсап қеливатқанлиқи вә федратип һөкүмәтниң қайтидин тақилип кетиш еһтимали барлиқи билдүрүлди.

америка таратқулириниң зийаритини қобул қилған мәсуллар, дөләт мәҗлисидики музакириләрниң оңушлуқ болмайватқанлиқини билдүрүшти.

«Fox»хәвәр телевизийә қанилиниң зийаритини қобул қилған вә музакириләрдә муһим рол ойнап келиватқан америка алий палата әзаси таһсисатлар комитети башлиқи ричард шелбай: музкириләр пәқәтла оңушлуқ болмайватиду, бүгүн йаки әтә дәрһал һәрикәткә өтишимиз керәк, чүнки вақит өтүватиду, деди.

шелбай, демократчилар партийәси парламент әзалириниң мексика чеграсиға селинидиған тамларға пирезидент доналд трамп тәләп қилған фондниң аҗритилишини қобул қилмай келиватқанлиқини ейтти.

трампму твиттер адресида демократчилар партийәси әзалирини тәнқид қилип мунуларни деди: «чегра комитетидики демократчиларниң келишим һасил қилишиға рухсәт қилинмиди, дәп ойлимаймән. җиддий бәрпа қилиниши керәк болған чегра тамлириға наһайити аз пул аҗритип беришни дәватиду, униң үстигә назарәт астиға елинған мәһбусларниң санини әң йуқири чәккә йәткүзүшни тәләп қилмақта.»

демократчилар чегра тамлириға 2 милйард доллардин артуқ фонд аҗритилишиниң тоғра болмайдиғанлиқини йақлап кәлмәктә.

демократчилар чеградики түрмиләрдә карват саниниң ашурулушиниң тоғра болмайдиғанлиқини билдүрмәктә.

америка дөләт мәҗлиси мексика чеграсиға селинидиған тамларға, доналд трамп тәләп  қилип келиватқан 5 милйард 700 милйон долларлиқ фондни вақитлиқ расхотқа киргүзмигән тәқдирдә йаки һөкүмәт билән мәҗлис оттурисида йеңи келишим һасил қилинмиса һөкүмәт мушу җүмә күни қайтидин тақилиду.

доналд трамп, 25-йанварда һөкүмәтни 3 һәптә вақитлиқ ечип туруш мәсилисидә мәҗлис рәһбәрлири билән келишим һасил қилғаниди.

пирезидент доналд трамп, 3 һәптә ичидә чегра бихәтәрлики мәсилисидә келишим һасил қилинишини арзу қилидиғанлиқини, әксичә һөкүмәтниң қайтидин тақилип кетидиғанлиқини билдүргәниди.  



مۇناسىۋەتلىك خەۋەرلەر