wénézuéla herbiy manéwir ötküzüshke teyyarlanmaqta

wénézuéla armiyesi, amérika qoshma ishtatliri we qoshna döletler bilen soghuqchiliq dawamlishiwatqan bir peytte herbiy manéwir ötküzüshni bashlidi.

maduro tatbikat2.jpg
maduro tatbikat1.jpg

türkiye awazi awazi radiyosi xewiri: 5 kün dawamlishidighanliqi bildürülgen bu qétimqi herbiy manéwirning waqti, latin amérikida ispaniye dairilirige qarshi musteqilliq herikitige rehberlik qilghan simon boliwarning agostura nutqining 200 – yiligha toghra keltürüldi.

manéwir munasiwiti bilen miranda ölkisidiki guakaripuro herbiy bazisida ötküzülgen herbiy murasimigha pirézidént nékolas maduro we mudapie ministiri wiladimir padrino lopéz, quruqluq we hawa armiye qisimlirining qomandanlirimu ishtirak qildi.

bu yerde herbiylerge xitab qilghan nékolas maduro, simon boliwarning mezkur nutqida musteqilliq kürishining tüp pirinsiplirini mueyyenleshtürgenlikini eskertip, «mana qoralliq küchler bu yerde, 200 yildin buyan istiqbali üchün jeng qilip kelgen bir wetenning ar – nomusi we izzitini qoghdawatqan kishiler bu yerde. (amérika pirézidénti) donald trampmu sirtqa chiqsun, tehditlirimu chiqsun» dégenlerni qeyt qildi.

amérikining herbiy mudaxile tehditliri küchiyip ketken bir mezgilde bashlinip 15 – féwralghiche dawamlishidighan manéwirda, armiyening herbiy heriket teyyarliqi bilen otturigha chiqqusi xelq küchliri bilen ortaq heriket qilish iqtidarining sinaq qilinishi meqset qilinidiken.


خەتكۈچ: manéwir , wénézuéla

مۇناسىۋەتلىك خەۋەرلەر