венезуела һәрбий маневир өткүзүшкә тәййарланмақта

венезуела армийәси, америка қошма иштатлири вә қошна дөләтләр билән соғуқчилиқ давамлишиватқан бир пәйттә һәрбий маневир өткүзүшни башлиди.

maduro tatbikat2.jpg
maduro tatbikat1.jpg

түркийә авази авази радийоси хәвири: 5 күн давамлишидиғанлиқи билдүрүлгән бу қетимқи һәрбий маневирниң вақти, латин америкида испанийә даирилиригә қарши мустәқиллиқ һәрикитигә рәһбәрлик қилған симон боливарниң агостура нутқиниң 200 – йилиға тоғра кәлтүрүлди.

маневир мунасивити билән миранда өлкисидики гуакарипуро һәрбий базисида өткүзүлгән һәрбий мурасимиға пирезидент неколас мадуро вә мудапиә министири виладимир падрино лопез, қуруқлуқ вә һава армийә қисимлириниң қоманданлириму иштирак қилди.

бу йәрдә һәрбийләргә хитаб қилған неколас мадуро, симон боливарниң мәзкур нутқида мустәқиллиқ күришиниң түп пиринсиплирини муәййәнләштүргәнликини әскәртип, «мана қораллиқ күчләр бу йәрдә, 200 йилдин буйан истиқбали үчүн җәң қилип кәлгән бир вәтәнниң ар – номуси вә иззитини қоғдаватқан кишиләр бу йәрдә. (америка пирезиденти) доналд трампму сиртқа чиқсун, тәһдитлириму чиқсун» дегәнләрни қәйт қилди.

америкиниң һәрбий мудахилә тәһдитлири күчийип кәткән бир мәзгилдә башлинип 15 – февралғичә давамлишидиған маневирда, армийәниң һәрбий һәрикәт тәййарлиқи билән оттуриға чиққуси хәлқ күчлири билән ортақ һәрикәт қилиш иқтидариниң синақ қилиниши мәқсәт қилинидикән.



مۇناسىۋەتلىك خەۋەرلەر