xitay: «amérikaning qilmishi bizni tolimu biaram qildi»

xitay tashqi ishlar minsitirliqi bayanatchisi xua chunying amérika déngiz paraxotlirining jenubiy xitay déngizdiki bir aralgha yéqinlishishigha naraziliq bildürdi.

xitay: «amérikaning qilmishi bizni tolimu biaram qildi»

türkiye awazi radiyosi xewiri:  xitay amérika qoshma ishtatlirini «jenubiy xitay déngizida jédel chiqirishni»toxtitishqa chaqirdi.

xitay hökümiti, amérika herbiy armiyesige tewe « USS Spruance » we« USS Preble » namliq hujumchi paraxotlarning jenubiy xitay déngizdiki nensha arallirigha yéqinlishishigha naraziliq bildürdi.

xitay tashqi ishlar minsitirliqi bayanatchisi xua chunying, muxbirlarni kütüwélish yighini ötküzgende washingiton hakimiyitining jenubiy xitay déngizining weziyitini keskinleshtürüwétidighan qilmishlarni sadir qilghanliqini bildürüp: biz amérikaning bu ishidin tolimu biaram boliwatimiz we amérikaning bu qilmishigha qetiy qarshi chiqimiz, dédi.

amérikaning bundaq qilmishlirining xitayning igilik hoquqi, rayonning tinchliqi we bixeterlikige tehdit shekillendürüwatqanliqini yaqlighan bayanatchi xua chunying, xitay herbiy paraxotlirining amérika paraxotlirini rayondin chiqip kétish üchün agahlandurghanliqini éytti.

bayanatchi xua: hökümitimiz amérika dairilirini buranraq bundaq weziyetni keskinleshtürüwétidighan qilmishlarni sadir qilmasliqqa, rayonning tinchliqi we bixeterlikige hörmet qilishqa chaqiridu, dédi.

amérika déngiz armiyesi 7-ishtab bayanatchisi klay dos bu heqte toxtilip, amérika herbiy paraxotlirining erkin charilash pirinsipi dairiside wezipe ötigenlikini we xelqara qanunning dairiside rayonda turuwatqanliqini bildürdi.  

bayanatchi xua, washingiton hökümitining béyjingda pat yéqinda bashlinidighan xitay-amérika soda muzakiriliridin ilgiri bundaq bir ishni qilishi üstide alahide toxtilip: amérikaning néme üchün bundaq qilidighanliqini hemmimiz obdan bilimiz, biz biraq amérikadek qilmaymiz, biz  soghuqqan bolimiz, dédi.

bayanatchi xua chunying, soda muzakiriliridin yaxshi netije chiqishni ümid qilidighanliqinimu bildürdi.



مۇناسىۋەتلىك خەۋەرلەر