хитай: «американиң қилмиши бизни толиму биарам қилди»

хитай ташқи ишлар минситирлиқи байанатчиси хуа чунйиң америка деңиз парахотлириниң җәнубий хитай деңиздики бир аралға йеқинлишишиға наразилиқ билдүрди.

хитай: «американиң қилмиши бизни толиму биарам қилди»

түркийә авази радийоси хәвири:  хитай америка қошма иштатлирини «җәнубий хитай деңизида җедәл чиқиришни»тохтитишқа чақирди.

хитай һөкүмити, америка һәрбий армийәсигә тәвә « USS Spruance » вә« USS Preble » намлиқ һуҗумчи парахотларниң җәнубий хитай деңиздики нәнша араллириға йеқинлишишиға наразилиқ билдүрди.

хитай ташқи ишлар минситирлиқи байанатчиси хуа чунйиң, мухбирларни күтүвелиш йиғини өткүзгәндә вашингитон һакимийитиниң җәнубий хитай деңизиниң вәзийитини кәскинләштүрүветидиған қилмишларни садир қилғанлиқини билдүрүп: биз американиң бу ишидин толиму биарам боливатимиз вә американиң бу қилмишиға қәтий қарши чиқимиз, деди.

американиң бундақ қилмишлириниң хитайниң игилик һоқуқи, районниң тинчлиқи вә бихәтәрликигә тәһдит шәкилләндүрүватқанлиқини йақлиған байанатчи хуа чунйиң, хитай һәрбий парахотлириниң америка парахотлирини райондин чиқип кетиш үчүн агаһландурғанлиқини ейтти.

байанатчи хуа: һөкүмитимиз америка даирилирини буранрақ бундақ вәзийәтни кәскинләштүрүветидиған қилмишларни садир қилмаслиққа, районниң тинчлиқи вә бихәтәрликигә һөрмәт қилишқа чақириду, деди.

америка деңиз армийәси 7-иштаб байанатчиси клай дос бу һәқтә тохтилип, америка һәрбий парахотлириниң әркин чарилаш пиринсипи даирисидә вәзипә өтигәнликини вә хәлқара қанунниң даирисидә районда туруватқанлиқини билдүрди.  

байанатчи хуа, вашингитон һөкүмитиниң бейҗиңда пат йеқинда башлинидиған хитай-америка сода музакирилиридин илгири бундақ бир ишни қилиши үстидә алаһидә тохтилип: американиң немә үчүн бундақ қилидиғанлиқини һәммимиз обдан билимиз, биз бирақ америкадәк қилмаймиз, биз  соғуққан болимиз, деди.

байанатчи хуа чунйиң, сода музакирилиридин йахши нәтиҗә чиқишни үмид қилидиғанлиқиниму билдүрди.



مۇناسىۋەتلىك خەۋەرلەر