jenubiy koréye amérika eskerlirige téximu köp rasxot ajratti

jenubiy koréye bilen amérika otturisida hasil qilinghan kélishimge asasen, jenubiy koréyediki amérika eskerlirige ajritilghan chiqimning miqdari östürüldi.

jenubiy koréye amérika eskerlirige téximu köp rasxot ajratti

türkiye awazi radiyosi xewiri: jenubiy koréye hökümiti jenubiy koréyediki amérika eskerlirining chiqimini amérika hökümiti bilen hasil qilghan kélishimge asasen ashurghanliqini bildürdi.  

kélishim boyiche, jenubiy koréye hökümiti jenubiy koréyediki amérika eskerlirige ajratqan rasxot miqdarini 890 milyon dollargha chiqardi.

amérikaning jenubiy koréyediki 28500 eskirining chiqimini ashurushni mezmun qilghan kélishimning inawetlik mudditi 5 yildin 1 yilgha töwenlitildi.  

kélishimning mudditi axirlashqanda amérika hökümiti bilen jenubiy koréye hökümiti  kélishim üstide qaytidin muzakire ötküzidu.

paytext séulda kélishim imzalinishtin ilgiri bayanat bergen jenubiy koréye tashqi ishlar ministiri kang kiyung wa: bu mesilide uzundin buyan söhbet ötküzüp kéliwatqaniduq, axiri kélishim hasil qilduq, dédi.

ministir kang kiyung wa, mezkur kélishim toghruluq peyda bolghan naraziliqlarning eksiche, kélishimning ijabiy qedem bolghanliqini bildürdi.

bultur mart éyidin buyan ikki terep kélishim imzalash üchün 10qétim muzakire ötküzdi.

amérika dairiliri jenubiy koréye hökümitining amérika eskerlirining chiqimi üchün her yili 1 milyard 200 milyon dollar bérishini telep qilip kéliwatatti.

amérika pirézidénti donald tramp bultur iyulda jenubiy koréyediki amérika eskerlirining chiqimi we rayondiki herbiy manéwirlar üchün zor chiqim serp qilinghanliqini bildürüp, herbiy manéwirlarning toxtitilidighanliqini éytqanidi.

donald trampning yolyuruqigha binaen, amérika mudapie ministirliqi-péntagon koréye yérim arilida keng kölemlik herbiy manéwir ötküzüshni toxtitiwetkenidi.  

donald tramp yene ikki dölet otturisidiki erkin soda kélishimini bikar qiliwétidighanliqini bildürüp jenubiy koréyege tehdit salghanidi.


خەتكۈچ: jenubiy koréye , amérika

مۇناسىۋەتلىك خەۋەرلەر