amérika wénézuélagha ewetken insanperwerlik yardemliri kolombiyege yétip keldi

amérika hökümiti wénézuélada özini «waqitliq pirézidént» dep élan qilghan xuen guaydoning telipige binaen ewetken insanperwerlik yardemlerning, kolombiyening wénézuéla chégrasigha yétip kelgenliki bildürüldi.

amérika wénézuélagha ewetken insanperwerlik yardemliri kolombiyege yétip keldi

türkiye awazi radiyosi xewiri: amérika hökümiti wénézuélada özini «waqitliq pirézidént» dep élan qilghan xuen guaydoning telipige binaen ewetken amérika xelqaraliq tereqqiyat agéntliqi (USAID) ning insanperwerlik yardem buyumliri qachilanghan aptomobilliri, kolombiyening wénézuéla chégrasidiki kukuta shehirige yétip bardi.

amérikaning santafé bogota elchixanisining twittér béqtide élan qilghan bayanatta: «amérika xelqaraliq tereqqiyat agéntliqining insanperwerlik yardemlirini toshughan tunji türkümdiki aptomobilliri kolombiyege yétip keldi. waqitliq pirézidént xuen guaydoning telipige binaen insanperwerlik yardemlirini tézlikte yetküzüshke tirishimiz» déyildi.

aqsaray dölet xewpsizlik meslihetchisi jon bolton ötken hepte twittérda bayanat élan qilip, wénézuélagha insanperwerlik yardem ewetilidighanliqini bildürgen idi.

kolombiye bilen wénézuélani tutashturidighan las tiyénditas köwrüki, seyshenbe (5-féwral) wéénzuéla herbiy qismi teripidin kolombiyedin kélidighan insanperwerlik yardemge qarshi béton tosuqlar, tikenlik simlar we yük aptomobilliri bilen taqiwétilgen idi.



مۇناسىۋەتلىك خەۋەرلەر