wénézuélagha yollanghan amérika qoralliri tutulup qaldi

wénézuélada amérikidin yollanghanliqi éniqlanghan nurghun sanda qoral we esliheler qolgha chüshürüldi.

wénézuélagha yollanghan amérika qoralliri tutulup qaldi

 

türkiye awazi radiyosi xewiri: wénézuila jamaet xewpsizliki ministirliqining ijtimaiy taratqu hésabidin élan qilinghan bayanatta, walénka shehiridiki arturo méchiléna xelqara ayrodorumining bir iskilatida, amérikining miyami shehiridin ewetilgen nurghun sanda qoral, oq dora qolgha chüshkenliki bildürüldi.

wénézuila muawin jamaet xepsizliki ministiri éndés palénka qolgha chüshürlgen qoral yaraqlarning resimlirini tiwittér hésabidin hembehrileshti.

iskilatta amérikida yasalghan 19 miltiq, 118 oqdan, poquladde tiship ötüsh iqidarigha ige oqlardin bashqa yene, 90 dane alaqe üskinisi we 6 yanfoni tépilghanliqini élan qildi.

qolgha chüshürülgen qoral we bashqa eslihelerning 3féwralda miyami shehiridin kelgen bir ayropilan bilen yollanghanliqi éniqlanghanliqini tekitligen muawin ministir éndés palénka: «wénézuéla xelqining tinchliqi we bixeterlikige tehdit séliwatqan térrorchi guruppilargha meliye yaridimi qilghanlargha qarshi bixeterlik mesulliri bolush süpitimiz bilen mesuliyitimizni axirighiche bijanidilliq bilen orunlaymiz» dédi. 

éndés palénka weqe heqqide teptish mehkimisi teripidin tekshürüsh bashlanghanliqini éytti. 

köpinchisi öktichilerdin teshkil tapqan döletlik parlamént bashliqi yuen guaydo öktichilerning yighilishida özini waqitliq dölet pirédénti élan qiliwalghan bolup, amérika, awstraliye, kanada, kolombiye, péru, ékwador, paragway, béraziliye, chili, panama, argéntina, kosta rika we gwatémala qatarliq döletler uning pirézidéntiliqini étirap qilghan idi.  eng axirida yawropa parlaméntimu étirap qilish terepke qedem tashlighan idi.

türkiye méksika, rusiye, iran, kuba, xitay we boliwiye bolsa, wénézuéla pirézidénti nikolas maduro hökümitini qollap quwwetligen bolup, maduromu yüz bergen ishlardin kéyin amérika bilen bolghan diplomatik we siyasiy munasiwetlerni uzup tashlighanliqini, biraq iqtisadiy munasiwetlerning dawamlishidighanliqini élan qilghan idi.

amérika pirézidénti donald trampmu wénézuélagha esker yollashning tallashlardin birsi süpitide körüliwatqanliqini éytqan idi.


خەتكۈچ: qoral , amérika , wénézuéla

مۇناسىۋەتلىك خەۋەرلەر