венезуелаға йолланған америка қораллири тутулуп қалди

венезуелада америкидин йолланғанлиқи ениқланған нурғун санда қорал вә әслиһәләр қолға чүшүрүлди.

венезуелаға йолланған америка қораллири тутулуп қалди

 

түркийә авази радийоси хәвири: венезуила җамаәт хәвпсизлики министирлиқиниң иҗтимаий таратқу һесабидин елан қилинған байанатта, валенка шәһиридики артуро мечилена хәлқара айродоруминиң бир искилатида, америкиниң мийами шәһиридин әвәтилгән нурғун санда қорал, оқ дора қолға чүшкәнлики билдүрүлди.

венезуила муавин җамаәт хәпсизлики министири ендес паленка қолға чүшүрлгән қорал йарақларниң рәсимлирини тивиттер һесабидин һәмбәһриләшти.

искилатта америкида йасалған 19 милтиқ, 118 оқдан, поқуладдә тишип өтүш иқидариға игә оқлардин башқа йәнә, 90 данә алақә үскиниси вә 6 йанфони тепилғанлиқини елан қилди.

қолға чүшүрүлгән қорал вә башқа әслиһәләрниң 3февралда мийами шәһиридин кәлгән бир айропилан билән йолланғанлиқи ениқланғанлиқини тәкитлигән муавин министир ендес паленка: «венезуела хәлқиниң тинчлиқи вә бихәтәрликигә тәһдит селиватқан террорчи гуруппиларға мәлийә йаридими қилғанларға қарши бихәтәрлик мәсуллири болуш сүпитимиз билән мәсулийитимизни ахириғичә биҗанидиллиқ билән орунлаймиз» деди. 

ендес паленка вәқә һәққидә тәптиш мәһкимиси тәрипидин тәкшүрүш башланғанлиқини ейтти. 

көпинчиси өктичиләрдин тәшкил тапқан дөләтлик парламент башлиқи йуән гуайдо өктичиләрниң йиғилишида өзини вақитлиқ дөләт пиреденти елан қиливалған болуп, америка, австралийә, канада, коломбийә, перу, еквадор, парагвай, беразилийә, чили, панама, аргентина, коста рика вә гватемала қатарлиқ дөләтләр униң пирезидентилиқини етирап қилған иди.  әң ахирида йавропа парламентиму етирап қилиш тәрәпкә қәдәм ташлиған иди.

түркийә мексика, русийә, иран, куба, хитай вә боливийә болса, венезуела пирезиденти николас мадуро һөкүмитини қоллап қуввәтлигән болуп, мадурому йүз бәргән ишлардин кейин америка билән болған дипломатик вә сийасий мунасивәтләрни узуп ташлиғанлиқини, бирақ иқтисадий мунасивәтләрниң давамлишидиғанлиқини елан қилған иди.

америка пирезиденти доналд трампму венезуелаға әскәр йоллашниң таллашлардин бирси сүпитидә көрүливатқанлиқини ейтқан иди.



مۇناسىۋەتلىك خەۋەرلەر