awstraliye puqrasi yazghuchi we sabiq diplomat yang xéngjunning yoqap ketkenliki bildürüldi

xitay millitidin bolghan awstraliyelik yazghuchi we sabiq diplomat yang xéngjunning nyu yorktin xitaygha ketkendin buyan izdérikining yoqluqi bildürüldi.

awstraliye puqrasi yazghuchi we sabiq diplomat yang xéngjunning yoqap ketkenliki bildürüldi

türkiye awazi radiyosi xewiri: b b s ning xewer qilishiche, sidnéyda yashaydighan tetqiqatchi féng chongyi, yang xéngjunning ötken shenbe küni nyu yorktin guangjugha qarap yolgha chiqqanliqini we shuningdin buyan uning izdérikini qilalmighanliqlirini bildürdi.

féng chongyi, yang xéngjunning xitay dairiliri teripidin nazaret astigha élinghan bolush éhtimalidin endishe qiliwatqanliqini éytti.

xitay terep bu heqte héchqandaq bayanat élan qilmidi, emma, awstraliye tashqi munasiwetler we soda ishliri bashqarmisi, xitayda yoqap ketkenliki melum qilinghan awstraliye puqrasi toghrisida uchur igileshke tirishiwatqanliqini uqturdi.

yang xéngjunning xitaygha xitay puqrasi ayali we ügey oghli bilen ketkenliki texmin qilinmaqta.

amérika qoshma ishtatlirida yashaydighan awstraliye puqrasi yang xéngjunning, xitay kommunist partiyesini tenqid qilghanliqi we 2011 – yilidiki xitay ziyariti esnasidimu qisqa muddet yoqap ketkenliki bildürüldi.



مۇناسىۋەتلىك خەۋەرلەر