mayk péns: süriyedin chékinimiz, biraq...

mayk péns tünügün munbichta meydangha kelgen hujumdin kéyin bergen tunji bayanatida, weqeni tilgha almastin, «eskerlirimizni qayturup kélimiz, daésh yéngildi» dédi.

mayk péns: süriyedin chékinimiz, biraq...

türkiye awazi radiyosi xewiri: amérika qoshma ishtatliri muawin pirézidénti mayk péns, süriyedin chékinidighanliqlirini, biraq, daéshning körümsiz chirayini qayta körsetmeydighanliqidin xatirjem bolush üchün, küreshning ichide turushni dawamlashturidighanliqlirini éytti.

mayk péns tünügün munbichta meydangha kelgen hujumdin kéyin bergen tunji bayanatida, weqeni tilgha almastin, «eskerlirimizni qayturup kélimiz, daésh yéngildi» dédi.

u, amérika tashqi ishlar ministirliqida ötküzülgen bir paaliyette söz qilip, amérikining süriyede daéshqa qarshi élip barghan kürishi toghrisida toxtaldi؛ bölgünchi térrorluq teshkilati y p g / p k k ning ishghali astidiki munbichta meydangha kelgen bombiliq hujumdin kéyin amérikiliq diplomatlargha xitab qilghan péns, sözide hujumni biwasite tilgha almastin, «eskerlirimizni qayturup kélimiz, daésh yéngildi. biraq daéshning körümsiz yüzini qaytidin körsetmeydighanliqidin xatirjem bolush üchün rayonda turimiz. eskerlirimizning we ittipaqdashlirimizning ghelibini muhapizet qilimiz» dégenlerni qeyt qildi.

tünügün munbichta amérika eskerlirining charlash élip bériwatqan esnada partlash yüz bergen؛ amérika bashchiliqidiki daéshqa qarshi xelqara ittipaqdash küchlerning bayanatchisi polkownik séyan ryan, jawabkarliqini daésh üstige alghan hujumda amérika eskerlirining ölgenlikini bildürgenidi.


خەتكۈچ: chékinish , esker , daésh , süriye , amérika

مۇناسىۋەتلىك خەۋەرلەر