майк пенс: сүрийәдин чекинимиз, бирақ...

майк пенс түнүгүн мунбичта мәйданға кәлгән һуҗумдин кейин бәргән тунҗи байанатида, вәқәни тилға алмастин, «әскәрлиримизни қайтуруп келимиз, даеш йеңилди» деди.

майк пенс: сүрийәдин чекинимиз, бирақ...

түркийә авази радийоси хәвири: америка қошма иштатлири муавин пирезиденти майк пенс, сүрийәдин чекинидиғанлиқлирини, бирақ, даешниң көрүмсиз чирайини қайта көрсәтмәйдиғанлиқидин хатирҗәм болуш үчүн, күрәшниң ичидә турушни давамлаштуридиғанлиқлирини ейтти.

майк пенс түнүгүн мунбичта мәйданға кәлгән һуҗумдин кейин бәргән тунҗи байанатида, вәқәни тилға алмастин, «әскәрлиримизни қайтуруп келимиз, даеш йеңилди» деди.

у, америка ташқи ишлар министирлиқида өткүзүлгән бир паалийәттә сөз қилип, америкиниң сүрийәдә даешқа қарши елип барған күриши тоғрисида тохталди؛ бөлгүнчи террорлуқ тәшкилати й п г / п к к ниң ишғали астидики мунбичта мәйданға кәлгән бомбилиқ һуҗумдин кейин америкилиқ дипломатларға хитаб қилған пенс, сөзидә һуҗумни биваситә тилға алмастин, «әскәрлиримизни қайтуруп келимиз, даеш йеңилди. бирақ даешниң көрүмсиз йүзини қайтидин көрсәтмәйдиғанлиқидин хатирҗәм болуш үчүн районда туримиз. әскәрлиримизниң вә иттипақдашлиримизниң ғәлибини муһапизәт қилимиз» дегәнләрни қәйт қилди.

түнүгүн мунбичта америка әскәрлириниң чарлаш елип бериватқан әснада партлаш йүз бәргән؛ америка башчилиқидики даешқа қарши хәлқара иттипақдаш күчләрниң байанатчиси полковник сейан рйан, җавабкарлиқини даеш үстигә алған һуҗумда америка әскәрлириниң өлгәнликини билдүргәниди.



مۇناسىۋەتلىك خەۋەرلەر