gollandiyede bir jamining aldida islamgha qarshi namayish ötküzüldi

gollandiyening utrécht shehiride islamgha we köchmenlerge qarshi pégida herikiti, marakeshlikler eng köp baridighan bir jamining aldida islamgha qarshi namayish ötküzdi.

gollandiyede bir jamining aldida islamgha qarshi namayish ötküzüldi

 

türkiye awazi radiyosi xewiri: özlirini «gherbning islamlishishigha qarshi wetenperwer yawropaliqlar» dep atiwalghan pégida herikitining namayishida islamgha qarshi filim körsitildi we islamgha haqaret xaraktérlik sözler ishlitildi.

namayishta jamining etrapidiki kengri meydangha égiz tosalghularni qurup, alahide bixeterlik tedbirlirini élinghandin bashqa yene, nurghun sanda saqchilarningmu wezipe ötishi hemmining diqqitini tartti.

jamening kirish ighizining udulida ötküzülgen namayishtin kéyin, pégida herikiti ezalirining küshkürtüsh xaraktérlik bayanatlirigha naraziliq bildürgen tosaqning yene bir teripidiki rayon xelqi we saqchilar otturisida qisqa waqitliq sürkilish yüz berdi.

sürkülüshler jeryanida saqchilar 2 kishini nazaretke aldi.

ebi bekir essidiq jamisi fondi jemiyiti bayanatchisi jemal huri pégidaning qilghan namayishi we bayanatlirining küshkürtüsh ikenlikini bildürdi.

jemal huri: «namayish üchün tallighan orni küshkürtüsh xaraktérilik bolghan bolsimu, biz jamening bashqurghuchi heyiti we jamaiti bolush süpitimiz bilen ularning küshkürtish oyunlirigha kelmeslik, ulargha qetiy pisent qilmasliq qarari alduq. bu ulargha qayturghan eng yaxshi jawabimizdur. chünki bu ish ularning özige ziyanliq bolghusi» dédi.


خەتكۈچ: namayish , gollandiye

مۇناسىۋەتلىك خەۋەرلەر