eli jaferi: «silerning külkilik tehditliringlargha pisentmu qilmaymiz»

israiliyening «iran süriyedin baldurraq chékinmeydiken, iranning süriyediki bazilirigha hujum qilimiz» dégen bayanatigha iran qomandani qattiq jawab qayturdi.

eli jaferi: «silerning külkilik tehditliringlargha pisentmu qilmaymiz»

 

türkiye awazi radiyosi xewiri: tasnim xewer agéntliqi, israiliye bash ministiri binyamin nitanyahuning mezkur bayanatigha qarshi iran inqilab muhapizetchiliri qomandani muhemmmed eli jaferining: «silerning külkilik tehditliringlargha pisentmu qilmaymiz» dep jawab bergenlikini xewer qildi.

muhemmmed eli jaferi iranning süriyediki herbiy mewjutluqini qoghdaydighanliqini tekitlep, «iran herbiy meslihetchilirini, herbiy eslihelirini we qorallirini chékindürmeydu» dédi

iran inqilab muhapizetchiliri qomandani muhemmmed eli jaferi israiliye hökümitining iranning bashqurulidighan bombiliridin qéchipraq turushi kéreklikini jikilep, »iranning bashqurulidighan bombiliri bashliringlargha chüshüshke bashlaydighan kündin qorqunglar» dédi.

israiliye bash ministiri binyamin nitanyahu tünügün élan qilghan bayanatida, «silerge (yeni irangha) süriyedin tizraq ayrilishni tewsiye qilimen. chünki hujumlirimizni xuddi wede berginimizge oxshash toxtimay, qorqawsiz bir shekilde dawamlashturimiz» dégen sözlerni ishletken idi.


خەتكۈچ: israiliye , iran

مۇناسىۋەتلىك خەۋەرلەر