әли җафәри: «силәрниң күлкилик тәһдитлириңларға писәнтму қилмаймиз»

исраилийәниң «иран сүрийәдин балдуррақ чекинмәйдикән, иранниң сүрийәдики базилириға һуҗум қилимиз» дегән байанатиға иран қомандани қаттиқ җаваб қайтурди.

әли җафәри: «силәрниң күлкилик тәһдитлириңларға писәнтму қилмаймиз»

 

түркийә авази радийоси хәвири: тасним хәвәр агентлиқи, исраилийә баш министири бинйамин нитанйаһуниң мәзкур байанатиға қарши иран инқилаб муһапизәтчилири қомандани муһәмммәд әли җафәриниң: «силәрниң күлкилик тәһдитлириңларға писәнтму қилмаймиз» дәп җаваб бәргәнликини хәвәр қилди.

муһәмммәд әли җафәри иранниң сүрийәдики һәрбий мәвҗутлуқини қоғдайдиғанлиқини тәкитләп, «иран һәрбий мәслиһәтчилирини, һәрбий әслиһәлирини вә қораллирини чекиндүрмәйду» деди

иран инқилаб муһапизәтчилири қомандани муһәмммәд әли җафәри исраилийә һөкүмитиниң иранниң башқурулидиған бомбилиридин қечипрақ туруши керәкликини җикиләп, »иранниң башқурулидиған бомбилири башлириңларға чүшүшкә башлайдиған күндин қорқуңлар» деди.

исраилийә баш министири бинйамин нитанйаһу түнүгүн елан қилған байанатида, «силәргә (йәни иранға) сүрийәдин тизрақ айрилишни тәвсийә қилимән. чүнки һуҗумлиримизни худди вәдә бәргинимизгә охшаш тохтимай, қорқавсиз бир шәкилдә давамлаштуримиз» дегән сөзләрни ишләткән иди.



مۇناسىۋەتلىك خەۋەرلەر