seudi erebistanda yene bir qiz öyidin qéchip qoghdilishini telep qildi

seudi erebistanliq yene bir qiz qattiq qolluqqa duch kelgenlikini ilgiri sürüp ailisidin qéchip, ijtimaiy taratqu tori arqiliq yardem telep qildi.

seudi erebistanda yene bir qiz öyidin qéchip qoghdilishini telep qildi

türkiye awazi radiyosi xewiri: seudi erebistandiki ijtimaiy taratqu tori ishletküchiliri, ailisining izchil qiyin – qistaqlirigha uchrighanliqi üchün öyidin qachqan nujud elmendil isimlik bir qiz toghrisida düshenbe künidin buyan uchur tarqitishni dawamlashturmaqta.

nujud elmendil isimlik yash qiz tiwittér adrésida tarqatqan awazliq uchurida, dadisining özige izchil halda éghzaki we jismaniy bésim ishlitidighanliqini ilgiri sürdi.

özini riyadta yashaydighan bir ailining qizi dep tonushturghan nujud elmendil, buningdin burunmu dadisi urghanliqi üchün saqchidin yardem telep qilghanliqini, biraq xewpsizlik küchlirining özini dadisigha tapshurup bergenlikini qeyt qildi. yéqinda dadisining yene erzimes bir ishni bahane qilip, özini köydürüwétidighanliqini éytip tehdit salghanliqini, shuning bilen öydin qéchishqa qarar qilghanliqini bildürgen yash qiz, öyining penjirisidin atlap qachqandin kéyin bir dostining öyige yoshuruniwalghanliqini, alaqidar emeldarning özini qoghdishini telep qilidighanliqini eskertti.

ötken heptimu ailisining qattiq qolluqidin qéchip taylandning paytexti bangkokqa barghan we b d t musapirlar aliy komissarliqining himayiside waqitliq turush ijaziti bérilgen seudi erebistanliq 18 yashliq qiz rahaf muhemmed elqunun, kanada teripidin panahliq bérilip élip kétilgenidi.

 


خەتكۈچ: qiz , seudi erebistan

مۇناسىۋەتلىك خەۋەرلەر