сәуди әрәбистанда йәнә бир қиз өйидин қечип қоғдилишини тәләп қилди

сәуди әрәбистанлиқ йәнә бир қиз қаттиқ қоллуққа дуч кәлгәнликини илгири сүрүп аилисидин қечип, иҗтимаий таратқу тори арқилиқ йардәм тәләп қилди.

сәуди әрәбистанда йәнә бир қиз өйидин қечип қоғдилишини тәләп қилди

түркийә авази радийоси хәвири: сәуди әрәбистандики иҗтимаий таратқу тори ишләткүчилири, аилисиниң изчил қийин – қистақлириға учриғанлиқи үчүн өйидин қачқан нуҗуд әлмәндил исимлик бир қиз тоғрисида дүшәнбә күнидин буйан учур тарқитишни давамлаштурмақта.

нуҗуд әлмәндил исимлик йаш қиз тивиттер адресида тарқатқан авазлиқ учурида, дадисиниң өзигә изчил һалда еғзаки вә җисманий бесим ишлитидиғанлиқини илгири сүрди.

өзини рийадта йашайдиған бир аилиниң қизи дәп тонуштурған нуҗуд әлмәндил, буниңдин бурунму дадиси урғанлиқи үчүн сақчидин йардәм тәләп қилғанлиқини, бирақ хәвпсизлик күчлириниң өзини дадисиға тапшуруп бәргәнликини қәйт қилди. йеқинда дадисиниң йәнә әрзимәс бир ишни баһанә қилип, өзини көйдүрүветидиғанлиқини ейтип тәһдит салғанлиқини, шуниң билән өйдин қечишқа қарар қилғанлиқини билдүргән йаш қиз, өйиниң пәнҗирисидин атлап қачқандин кейин бир достиниң өйигә йошурунивалғанлиқини, алақидар әмәлдарниң өзини қоғдишини тәләп қилидиғанлиқини әскәртти.

өткән һәптиму аилисиниң қаттиқ қоллуқидин қечип тайландниң пайтәхти баңкокқа барған вә б д т мусапирлар алий комиссарлиқиниң һимайисидә вақитлиқ туруш иҗазити берилгән сәуди әрәбистанлиқ 18 йашлиқ қиз раһаф муһәммәд әлқунун, канада тәрипидин панаһлиқ берилип елип кетилгәниди.

 



مۇناسىۋەتلىك خەۋەرلەر