б д т ниң һәр 3 хадимидин бирсиниң җинсий суйиистемалға учриғанлиқи ашкариланди

бирләшкән дөләтләр тәшкилати хадимлириниң үчтән бир қисминиң йеқинқи 2 йилдин буйан җинсий суйиистемалға дуч кәлгәнлики ашкариланди.

б д т ниң һәр 3 хадимидин бирсиниң җинсий суйиистемалға учриғанлиқи ашкариланди

 

түркийә авази радийоси хәвири: бирләшкән дөләтләр тәшкилати намидин «Deloitte» мәслиһәт бериш ширкити 30364 нәпәр б д т хадиминиң қаттнишиши билән 6 тилда интернет арқилиқ елип барған рай синаш нәтиҗисини елан қилди.

рай синаш нәтиҗисидә йеқинқи 2 йил ичидила б д т ниң һәр 3 хадимидин бирсиниң ишхана вә башқа хизмәт саһәлиридә, һәр түрлүк җинсий суйиистемалларға дучар болғанлиқи ашкариланди. 

рай синашқа қатнашқанлардин тәхминән %22 и инсанни биарам қилидиған җинисий мәзмунлуқ һекайә йаки чахчақларға, %14 и көрүнүшлири йаки бәдән қурулиши һәққидә начар сөзләргә, %10 и нумус қиларлиқ йаки биарам қилидиған һәрикәт вә ишарәтләргә, йәнә %10 и болса, биарам қилғуч әһвалларға дуч кәлгән.

қатнашқучиларниң үчтән бирси җнсий суйиистемалға учриғандин кейин әрз қилғанлиқлирини ейтип бәрди.

рай синаш нәтиҗисигә асасланғанда, булардин һәр 3 кишидин иккиси әр болуп, тунҗи қетим рай синашқа қатнишиш нисбиниң %17 икәнлики уқтурулди.

бирләшкән дөләтләр тәшкилати баш катипи антонийо гутеррес хадимларға йоллиған мәктупида, рай синашқа қатнишиш нисбитиң бундақ төвән болушиниң әслидә, җинсий суйиистемални ашкара муназирә қилайдиған болуш үчүн бесишқа тегишлик хели узун мусапиләрниң барлиқини көрситип бәргәнликини тәкитлиди.

антонийо гутеррес тунҗи қетим елип берилған бу рай синашниң җинсий суйиистемал мәслисигә алаһидә көңүл болуш үчүн муһим бир қәдәм болғанлиқини билдүрүп, җинсий суйиистемалға қәтий сәвирчанлиқ көрсәтмәслик лазимлиқини тәкитлиди.   



مۇناسىۋەتلىك خەۋەرلەر