yaponiye bash weziri shinzo abé engliyede ziyarette bolmaqta

yaponiye bash weziri shinzo abé bilen engliye bash weziri térésa méy körüshti.

yaponiye bash weziri shinzo abé engliyede ziyarette bolmaqta

türkiye awazi radiyosi xewiri: yaponiye bash weziri shinzo abé pütkül dunyaning engliyening yawropa ittipaqidin kélishimsiz ayrilip chiqishtin saqlinishini arzu qilidighanliqini éytti.

engliyening paytexti londonda bash wezir térésa méy bilen körüshken abé, engliyening yawropa ittipaqidin ayrilip chiqish musapisi üstide toxtaldi.

abé mundaq dédi: «engliyening yawropa ittipaqidin kélishimsiz ayrilip chiqishtin saqilinishini tileymen, bu pütkül dunyaningmu istiki, dunya engliyening yawropa ittipaqidin ayrilip chiqish musapisini yéqindin közitiwatidu.»

engliyening yawropa ittipaqidin ayrilip chiqish toghrisida ötküzüliwatqan muzakirilerde ilgirilesh hasil bolushidin memnun bolghanliqini éytqan abé, yaponiye bilen engliyeningmu hem siyasiy hemde iqtisadiy sahede küchlük munasiwet ornatqanliqini bildürdi.

«engliye yaponiyege nisbeten yawropagha échilghan ishiktur»dégen abé, engliyediki 1000 yaponiye shirkitining 150 ming kishige ish pursiti yaritip bergenlikini eskertti.

engliye bash weziri térésa méymu engliyening yawropa ittipaqidin kélishimsiz ayrilip chiqishtin saqlinishning yégane yolining, munasiwetlik qanun layihesining engliye parlaméntida maqullinishi ikenlikini éytti.

yawropa ittipaqi bilen hasil qilinghan kélishimning engliyening dölet menpeetige mas kélidighanliqini éytqan méy, naraziliqlargha seweb bolghan «tedbir maddisi» toghruluq yawropa ittipaqi bilen muzakire ötküzüliwatqanliqini bildürdi.

engliye parlaménti hökümet bilen yawropa ittipaqi otturisida hasil qilinghan kélishimni 15-yanwarda awazgha qoyup maqullaydu.  


خەتكۈچ: engliye , yaponiye

مۇناسىۋەتلىك خەۋەرلەر