йапонийә баш вәзири шинзо абе әнглийәдә зийарәттә болмақта

йапонийә баш вәзири шинзо абе билән әнглийә баш вәзири тереса мей көрүшти.

йапонийә баш вәзири шинзо абе әнглийәдә зийарәттә болмақта

түркийә авази радийоси хәвири: йапонийә баш вәзири шинзо абе пүткүл дунйаниң әнглийәниң йавропа иттипақидин келишимсиз айрилип чиқиштин сақлинишини арзу қилидиғанлиқини ейтти.

әнглийәниң пайтәхти лондонда баш вәзир тереса мей билән көрүшкән абе, әнглийәниң йавропа иттипақидин айрилип чиқиш мусаписи үстидә тохталди.

абе мундақ деди: «әнглийәниң йавропа иттипақидин келишимсиз айрилип чиқиштин сақилинишини тиләймән, бу пүткүл дунйаниңму истики, дунйа әнглийәниң йавропа иттипақидин айрилип чиқиш мусаписини йеқиндин көзитиватиду.»

әнглийәниң йавропа иттипақидин айрилип чиқиш тоғрисида өткүзүливатқан музакириләрдә илгириләш һасил болушидин мәмнун болғанлиқини ейтқан абе, йапонийә билән әнглийәниңму һәм сийасий һәмдә иқтисадий саһәдә күчлүк мунасивәт орнатқанлиқини билдүрди.

«әнглийә йапонийәгә нисбәтән йавропаға ечилған ишиктур»дегән абе, әнглийәдики 1000 йапонийә ширкитиниң 150 миң кишигә иш пурсити йаритип бәргәнликини әскәртти.

әнглийә баш вәзири тереса мейму әнглийәниң йавропа иттипақидин келишимсиз айрилип чиқиштин сақлинишниң йеганә йолиниң, мунасивәтлик қанун лайиһәсиниң әнглийә парламентида мақуллиниши икәнликини ейтти.

йавропа иттипақи билән һасил қилинған келишимниң әнглийәниң дөләт мәнпәәтигә мас келидиғанлиқини ейтқан мей, наразилиқларға сәвәб болған «тәдбир маддиси» тоғрулуқ йавропа иттипақи билән музакирә өткүзүливатқанлиқини билдүрди.

әнглийә парламенти һөкүмәт билән йавропа иттипақи оттурисида һасил қилинған келишимни 15-йанварда авазға қойуп мақуллайду.  



مۇناسىۋەتلىك خەۋەرلەر