русийә: америка сүрийәдә қелиш үчүн баһанә издимәктә

русийә һөкүмитиниң, «америка сүрийәдин армийә қисимлирини чекиндүрүватқандәк көрүнсиму, әмма у йәрдә қелиш үчүн баһанә издәватиду, дәп қарайдиғанлиқи» билдүрүлди.

русийә: америка сүрийәдә қелиш үчүн баһанә издимәктә

түркийә авази радийоси хәвири: русийә ташқи ишлар министирлиқиниң байанатчиси марийа заһарова ахбарат елан қилиш йиғинида күнтәртип тоғрисида тохталди.

марийа заһарова америка пирезиденти доналд трампниң өткән ай (2018-йил декабир) америка һәрбий қисимлириниң сүрийәдин чекинидиғанлиқи тоғрисида елан қилған байанатини хатирилитип, вашингтонниң истратегийәлириниң билинмәслики сәвәбидин американиң сүрийәдин чекинишигә ишинәлмигәнликлирини билдүрди.

байанатчи марийа заһарова: «һазир чекиниватқандәк көрүнүватиду, бирақ қелиш үчүн баһанә издәватиду» деди.

у ахирида, америка һәрбий қисимлириниң сүрийәдин чекинишиниң тоғра қәдәм икәнликини әскәртти.



مۇناسىۋەتلىك خەۋەرلەر