salomé zurabishwili giruziyening tunji ayal pirézidénti boldi
giruziyede 28-noyabir ötküzülgen 2-qétimliq pirézidéntliq saylimida %59.54 awazgha ériship, döletning tunji ayal pirézidénti bolghan salomé zurabishwili qesem bérip wezipe tapshuruwaldi.
türkiye awazi radiyosi xewiri: salomé zurabishwili pirézidéntliq saylimida %59.54 awazgha ériship, giruziyening tunji ayal pirézidénti bolup qaldi. qesem bérip wezipe tapshuruwélish murasimigha, türkiyege wakaliten muawin jumhur reis fuat oktay qatnashti. buningdin bashqa, erméniye pirézidénti sarkisyan, firansiyening sabiq pirézidénti nikolas sarkozi, ezerbeyjan parlaménti bashliqi oktay asadow qatarliq yene nurghun döletlerning parlamént bashliqliri, ministirlar, diplomatlar qatnashti.
bu jeryanda, pirézidéntliq saylimining netijilirini qobul qilmighan, zurabishwilini pirézidént dep étirap qilmighan, shundaqla muddettin baldur saylam ötküzüshni chaqiriq qilghan öktichi partiyeler birleshmisining rehberliri we terepdarliri murasimgha naraziliq bildürdi.
gruziyening oxshimighan rayonliridin murasimgha naraziliq bildürmekchi bolghan öktichi rehberler we namayishchi amma télawiyege 40 kilométir kélidighan jayda saqchilar teripidin tosuwélindi.
saqchilarning namayishchilarni bashqa yoldin méngishini telep qilishi bilen, namayishchilar bilen saqchilar otturisida sürkilish kélip chiqti.
