firansiye ichki ishlar ministiri namayishlar toghrisida melumat berdi

firansiyede yéqilghu bahasining östürülüshige qarshi bashlinip pirézidént émanuél makron we hökümitige qarshi ghezepke aylinip ketken sériq chapanliqlar namayishi paytext parizh kochilirini qalaymiqanlashturuwetti.

firansiye ichki ishlar ministiri namayishlar toghrisida melumat berdi

türkiye awazi radiyosi xewiri: ichki ishlar ministiri kristof kastanér muxbirlarni kütüwélish yighini ötküzüp, dölet miqyasida 125 ming adem ishtirak qilghan weqeler dairiside 974 ademning nazaret astigha élinghanliqini, 17 nepiri saqchi bolup jemiy 118 ademning yarilanghanliqini bildürdi.

sériq chapanliqlar, hökümetning yéqilghu bahalirining aldimizdiki yilmu östürülmeydighanliqi toghrisidiki bayanatlirigha qarimay, firansiye miqyasida makron we hökümitining siyasiy we iqtisadiy siyasetlirige naraziliq bildürüp namayish ötküzüshni dawamlashturdi.

namayishchilar, tünügün shu jay waqti saet 07:00  etrapida parizhning simwollirining biri hésablinidighan kemps – élésé yoligha yighilishqa bashlidi, saqchilar namayishchilarni tekshürgendin kéyin yolgha kirishige ruxset qildi. «makron istépa ber» dégen shoarlarni towlighan namayishchilar bilen saqchilar arisida pat – pat sürkilishler yüz bérip turdi.

sériq chapanliqlar chüsh waqti bolghanda xewpsizlik küchlirining soghuqqan bolush toghrisidiki chaqiriqlirigha perwa qilmastin etraptiki kochilargha kirip, saqchilargha tash we shishilerni atti, nurghun aptomobilgha ot qoyup berdi.

döletning köpligen sheherliridiki namayishlar yüzisidin nurghun yollargha qatnash wasitiliri kirgüzülmidi. dölet miqyasida 89 ming saqchi wezipe ötidi؛ parizhda 8 ming saqchi bilen 12 bironéwik wezipe ötidi.


خەتكۈچ: parizh , namayish , firansiye

مۇناسىۋەتلىك خەۋەرلەر