фирансийә ички ишлар министири намайишлар тоғрисида мәлумат бәрди

фирансийәдә йеқилғу баһасиниң өстүрүлүшигә қарши башлинип пирезидент емануел макрон вә һөкүмитигә қарши ғәзәпкә айлинип кәткән сериқ чапанлиқлар намайиши пайтәхт париж кочилирини қалаймиқанлаштурувәтти.

фирансийә ички ишлар министири намайишлар тоғрисида мәлумат бәрди

түркийә авази радийоси хәвири: ички ишлар министири кристоф кастанер мухбирларни күтүвелиш йиғини өткүзүп, дөләт миқйасида 125 миң адәм иштирак қилған вәқәләр даирисидә 974 адәмниң назарәт астиға елинғанлиқини, 17 нәпири сақчи болуп җәмий 118 адәмниң йариланғанлиқини билдүрди.

сериқ чапанлиқлар, һөкүмәтниң йеқилғу баһалириниң алдимиздики йилму өстүрүлмәйдиғанлиқи тоғрисидики байанатлириға қаримай, фирансийә миқйасида макрон вә һөкүмитиниң сийасий вә иқтисадий сийасәтлиригә наразилиқ билдүрүп намайиш өткүзүшни давамлаштурди.

намайишчилар, түнүгүн шу җай вақти саәт 07:00  әтрапида парижниң символлириниң бири һесаблинидиған кәмпс – елесе йолиға йиғилишқа башлиди, сақчилар намайишчиларни тәкшүргәндин кейин йолға киришигә рухсәт қилди. «макрон истепа бәр» дегән шоарларни товлиған намайишчилар билән сақчилар арисида пат – пат сүркилишләр йүз берип турди.

сериқ чапанлиқлар чүш вақти болғанда хәвпсизлик күчлириниң соғуққан болуш тоғрисидики чақириқлириға пәрва қилмастин әтраптики кочиларға кирип, сақчиларға таш вә шишиләрни атти, нурғун аптомобилға от қойуп бәрди.

дөләтниң көплигән шәһәрлиридики намайишлар йүзисидин нурғун йолларға қатнаш васитилири киргүзүлмиди. дөләт миқйасида 89 миң сақчи вәзипә өтиди؛ парижда 8 миң сақчи билән 12 бироневик вәзипә өтиди.



مۇناسىۋەتلىك خەۋەرلەر