béyjing kanada elchisini ministirliqqa chaqirtip, méng wénju mesilisi toghrisida agahlandurdi

itay tashqi ishlar ministirliqi, kanadaning béyjingda turushluq bash elchisi jon makkalumni ministirliqqa chaqirtip, xuawéy xojayinining qizi we maliye ishliri diréktori méng wénjuning qoyup bérilishini telep qildi.

béyjing kanada elchisini ministirliqqa chaqirtip, méng wénju mesilisi toghrisida agahlandurdi

türkiye awazi radiyosi xewiri: xitay tashqi ishlar ministirliqi, kanadaning béyjingda turushluq bash elchisi jon makkalumni ministirliqqa chaqirtip, xuawéy xojayinining qizi we maliye ishliri diréktori méng wénjuning qoyup bérilishini telep qildi weeksiche bolghanda, buning éghir aqiwetlerni keltürüp chiqiridghanliqini éytip agahlandurdi.

xitay tashqi ishlar ministirliqining bayanatigha qarighanda, muawin tashqi ishlar ministiri li yuching kanada bash elchisi makkalumni ministirliqqa «jiddiy» chaqirtip, xitayning méng wénjuning nazaret astigha élinishigha qattiq naraziliq bildüridighanliqini uqturghan.

kanadaning, amérikining telipige asasen xitay puqrasini nazaret astigha élish arqiliq uning qanuniy hoquqlirini depsende qilghanliqini bildürgen xitay muawin tashqi ishlar ministiri li, kanadaning bu qilmishining «mentiqisiz, epu qilinmaydighan bir ish» ikenlikini bildürgen.

xitay téxnologiye guruhi xuawéyning diréktori méng wénju, amérikining irangha yürgüzgen émbargolirigha xilapliq qilghanliqi ilgiri sürülüp washington dairilirining telipige asasen kanada teripidin 1 – dékabirda wankowér shehiride nazaret astigha élinghan, weqe hepte ichide jamaetchilikke uqturulghanidi.

méng wénjuning nazaret astigha élinishining amérika pirézidénti donald tramp bilen xitay dölet reisi shi jinpingning argéntinada chaqirilghan 20 dölet guruhi bashliqlar yighinida, soda urushliri peyda qilghan soghuqchiliqni peskuygha chüshürüshni chöridigen halda ötküzgen uchrishishi esnasida yüz bérishi diqqetni tartqanidi.

weqedin kéyin xitay tashqi ishlar ministirliqi, méng wénjuni nazaret astigha alghan kanadani kishilik hoquqni depsende qilish bilen eyibligen we xuawéy emeldarining waqtida qoyup bérilishini telep qilghanidi.

xitay taratquliri bolsa, washington dairilirini xuawéyning xelqaradiki inawitige ziyan yetküzüshke urunush bilen eyibligen we ittipaqdashlirini xitaygha bésim ishlitishke mejburlighanliqini yazghanidi.

méng wénju tünügün kanadada chéilghan kapalet sotida amérika bankilirigha qarita saxtipezlik qilish bilen eyiblengen, kanada edliye ministirliqining adwokati jon gibi-karsléy, méng wénjuning amérika bankilirigha xuawéy bilen xongkong merkezlik skaykom shirkiti arisidiki munasiwet toghrisida yalghan éytqanliqini ilgiri sürgenidi.



مۇناسىۋەتلىك خەۋەرلەر