бейҗиң канада әлчисини министирлиққа чақиртип, мең венҗу мәсилиси тоғрисида агаһландурди

итай ташқи ишлар министирлиқи, канаданиң бейҗиңда турушлуқ баш әлчиси җон маккалумни министирлиққа чақиртип, хуавей хоҗайининиң қизи вә малийә ишлири директори мең венҗуниң қойуп берилишини тәләп қилди.

бейҗиң канада әлчисини министирлиққа чақиртип, мең венҗу мәсилиси тоғрисида агаһландурди

түркийә авази радийоси хәвири: хитай ташқи ишлар министирлиқи, канаданиң бейҗиңда турушлуқ баш әлчиси җон маккалумни министирлиққа чақиртип, хуавей хоҗайининиң қизи вә малийә ишлири директори мең венҗуниң қойуп берилишини тәләп қилди вәәксичә болғанда, буниң еғир ақивәтләрни кәлтүрүп чиқиридғанлиқини ейтип агаһландурди.

хитай ташқи ишлар министирлиқиниң байанатиға қариғанда, муавин ташқи ишлар министири ли йучиң канада баш әлчиси маккалумни министирлиққа «җиддий» чақиртип, хитайниң мең венҗуниң назарәт астиға елинишиға қаттиқ наразилиқ билдүридиғанлиқини уқтурған.

канаданиң, америкиниң тәлипигә асасән хитай пуқрасини назарәт астиға елиш арқилиқ униң қануний һоқуқлирини дәпсәндә қилғанлиқини билдүргән хитай муавин ташқи ишлар министири ли, канаданиң бу қилмишиниң «мәнтиқисиз, әпу қилинмайдиған бир иш» икәнликини билдүргән.

хитай технологийә гуруһи хуавейниң директори мең венҗу, америкиниң иранға йүргүзгән ембарголириға хилаплиқ қилғанлиқи илгири сүрүлүп вашингтон даирилириниң тәлипигә асасән канада тәрипидин 1 – декабирда ванковер шәһиридә назарәт астиға елинған, вәқә һәптә ичидә җамаәтчиликкә уқтурулғаниди.

мең венҗуниң назарәт астиға елинишиниң америка пирезиденти доналд трамп билән хитай дөләт рәиси ши җинпиңниң аргентинада чақирилған 20 дөләт гуруһи башлиқлар йиғинида, сода урушлири пәйда қилған соғуқчилиқни пәскуйға чүшүрүшни чөридигән һалда өткүзгән учришиши әснасида йүз бериши диққәтни тартқаниди.

вәқәдин кейин хитай ташқи ишлар министирлиқи, мең венҗуни назарәт астиға алған канадани кишилик һоқуқни дәпсәндә қилиш билән әйиблигән вә хуавей әмәлдариниң вақтида қойуп берилишини тәләп қилғаниди.

хитай таратқулири болса, вашингтон даирилирини хуавейниң хәлқарадики инавитигә зийан йәткүзүшкә урунуш билән әйиблигән вә иттипақдашлирини хитайға бесим ишлитишкә мәҗбурлиғанлиқини йазғаниди.

мең венҗу түнүгүн канадада чеилған капаләт сотида америка банкилириға қарита сахтипәзлик қилиш билән әйибләнгән, канада әдлийә министирлиқиниң адвокати җон гиби-карслей, мең венҗуниң америка банкилириға хуавей билән хоңкоң мәркәзлик скайком ширкити арисидики мунасивәт тоғрисида йалған ейтқанлиқини илгири сүргәниди.



مۇناسىۋەتلىك خەۋەرلەر