iranda yüz bergen hujumning jawabkarliqini «ensarulfurqan»ning üstige alghanliqi ilgiri sürüldi

iranning sherqiy jenubigha jaylashqan sistan we bélujistan ölkisige qarashliq chabahar shehiridiki bir saqchi ponkiti térrorchilarning bombiliq hujumigha uchridi.

iranda yüz bergen hujumning jawabkarliqini «ensarulfurqan»ning üstige alghanliqi ilgiri sürüldi

türkiye awazi radiyosi xewiri: iranning sherqiy jenubigha jaylashqan sistan we bélujistan ölkisige qarashliq chabahar shehiridiki bir saqchi ponkiti térrorchilarning bombiliq hujumigha uchrap 4 adem jénidin ayrildi, köp sanda adem yarilandi.

iran dölet téléwiziye qanili, chabahar shehiridiki rigi yoli boyigha jaylashqan saqchi ponkitining yénida aptomobil bomba hujumi yüz bergenlikini xewer qildi.

chabaharning muawin hakimi rehmeld bameriymu adem bomba hujumining shu jay waqti saet 9 din 55 minut ötkende meydangha kelgenlikini bildürüp, «bomba orunlashturulghan aptomobilni heydep saqchi idarisigha kirmekchi bolghan térrochi, xewpsizlik küchlirining mudaxilisige duch kelgendin kéyin, binaning kirish éghizida özini qoshup partlatti» dédi.

bameri, hujumda 4 ademning jénidin ayrilghanliqini, saqchilar we puqralar qoshulup köp sanda ademning yarilanghanliqini bildürdi.

chabahar sehiye merkizi bayanat bérip, hujumda 27 kishining doxturxanilarda balnistqa élinghanliqini uqturdi.

iran taratquliri, hujumning jawabkarliqini «ensarulfurqan» namliq bir teshkilatning üstige alghanliqini ilgiri sürdi.

ensarulfurqan teshkilati, sistan we bélujistan ölkiside pat – pat iran xewpsizlik küchlirige hujum qilishni dawamlashturup kelmekte.


خەتكۈچ: saqchi , hujum , iran

مۇناسىۋەتلىك خەۋەرلەر