иранда йүз бәргән һуҗумниң җавабкарлиқини «әнсарулфурқан»ниң үстигә алғанлиқи илгири сүрүлди

иранниң шәрқий җәнубиға җайлашқан систан вә белуҗистан өлкисигә қарашлиқ чабаһар шәһиридики бир сақчи понкити террорчиларниң бомбилиқ һуҗумиға учриди.

иранда йүз бәргән һуҗумниң җавабкарлиқини «әнсарулфурқан»ниң үстигә алғанлиқи илгири сүрүлди

түркийә авази радийоси хәвири: иранниң шәрқий җәнубиға җайлашқан систан вә белуҗистан өлкисигә қарашлиқ чабаһар шәһиридики бир сақчи понкити террорчиларниң бомбилиқ һуҗумиға учрап 4 адәм җенидин айрилди, көп санда адәм йариланди.

иран дөләт телевизийә қанили, чабаһар шәһиридики риги йоли бойиға җайлашқан сақчи понкитиниң йенида аптомобил бомба һуҗуми йүз бәргәнликини хәвәр қилди.

чабаһарниң муавин һакими рәһмәлд бамәрийму адәм бомба һуҗуминиң шу җай вақти саәт 9 дин 55 минут өткәндә мәйданға кәлгәнликини билдүрүп, «бомба орунлаштурулған аптомобилни һәйдәп сақчи идарисиға кирмәкчи болған террочи, хәвпсизлик күчлириниң мудахилисигә дуч кәлгәндин кейин, бинаниң кириш еғизида өзини қошуп партлатти» деди.

бамәри, һуҗумда 4 адәмниң җенидин айрилғанлиқини, сақчилар вә пуқралар қошулуп көп санда адәмниң йариланғанлиқини билдүрди.

чабаһар сәһийә мәркизи байанат берип, һуҗумда 27 кишиниң дохтурханиларда балнистқа елинғанлиқини уқтурди.

иран таратқулири, һуҗумниң җавабкарлиқини «әнсарулфурқан» намлиқ бир тәшкилатниң үстигә алғанлиқини илгири сүрди.

әнсарулфурқан тәшкилати, систан вә белуҗистан өлкисидә пат – пат иран хәвпсизлик күчлиригә һуҗум қилишни давамлаштуруп кәлмәктә.


خەتكۈچ: сақчи , һуҗум , иран

مۇناسىۋەتلىك خەۋەرلەر