amérikida bir musulman siyasetchi duch kelgen ayrimchiliq detalash peyda qildi

jumhuriyetchi partiyening fort wors rayoni shöbisining muawin bashliqliqigha saylanghan shahid shafi (esli pakistanliq) ning «musulman bolghanliqi» üchün wezipisidin élip tashlinish urunushigha uchrishi naraziliq peyda qildi.

amérikida bir musulman siyasetchi duch kelgen ayrimchiliq detalash peyda qildi

türkiye awazi radiyosi xewiri: amérika qoshma ishtatlirida iyun éyida jumhuriyetchi partiyening fort wors rayoni shöbisining muawin bashliqliqigha saylanghan shahid shafi (esli pakistanliq) ning «musulman bolghanliqi» üchün wezipisidin élip tashlinish urunushigha uchrishi naraziliq peyda qildi.

buningdin 28 yil ilgiri amérikigha bérip yerleshken wirach, téksash ishtati sowtléyk sheherlik hökümetning ezasi, iyun éyida jumhuriyetchi partiyening fort wors rayonluq shöbisining muawin bashliqliqigha saylanghan shahid shafining «islam dini we belgilimilirige sadiq bolghanliqi, islamiy térrorluq guruppiliri bilen alaqisi bolush éhtimalining barliqi» ilgiri sürülüp, jumhuriyetchi partiyening rayongha mesul emeldari borrié obrién we uning qollighuchiliri teripidin wezipidin élip tashlinishi telep qilindi.

obrién shafini wezipidin élip tashlishini telep qilghan jumhuriyetchi partiyening rayonluq shöbisining bashliqi darl éston bayanat bérip, «(obriénning) buninggha körsetken birdinbir seweb uning (shafining) musulman bolushi idi. manga körsetken birdinbir seweb bu idi» dédi.

partiye ümiki ezasi jorj p.bush bolsa, shafigha qaritilghan töhmetler we wezipisidin élip tashlinishi torisidiki telepning amérika qimmet – qarashlirigha mas keleydighanliqini bildürüp, «rayon mesulliri, ishchan bir partiye emeldarini peqet dini étiqadigha asasen wezipisidin élip tashlashqa urunush qilmishini toxtitishqa chaqirimen. téximu sighdurushchan bir jumhuriyetchi partiye üchün xizmet qilishimiz we téksasni qolimizda tutup turushni xalaydighan bolsaq, özimizni weyran qilishni toxtitishimiz kérek» dégenlerni qeyt qildi.

yene bir tereptin, téksas mejlisining bashliqi joy strausmu ijtimaiy taratqu toridiki adrési arqiliq bayanat bérip, «bezi partiye mesulliri bir partiye emeldarini étiqadi yüzisidin partiyedin chiqiriwétishke tirishiwatidu. numus qilarliq, amérika we jumhuriyetchi qimmet – qarashlargha mas kelmeydighan bir qilmish, pütkül emeldarlar teripidin toxtitilishi kérek» dédi.

shafining qoghlap chiqirish üchün heriketke ötken obrién bashchiliqidiki partiyening bashqa ezaliri bolsa, bush we strausning bayanatlirigha qattiq naraziliq bildürdi.

shafini diniy turmushigha diqqet qilish, muntizm halda jamege bérish bilen eyibligen emeldarlar, özlirige qarshi chiqqan partiye ezalirini bolsa, téksas ishtatigha «islamiy sheriet tüzümining élip kélinishige yardemchi bolush» bilen eyiblidi.


خەتكۈچ: musulman , amérika

مۇناسىۋەتلىك خەۋەرلەر