венгирийә македонийә билән боснийә – гертсеговинаниң әза болушини қоллайдиғанлиқини билдүрди

венгирийә, македонийә билән боснийә – гертсеговинаниң шималий атлантик әһди тәшкилати – натоға әза болушини қоллайдиғанлиқини билдүрди.

венгирийә македонийә билән боснийә – гертсеговинаниң әза болушини қоллайдиғанлиқини билдүрди

түркийә авази радийоси хәвири: венгирийә ташқи ишлар вә ташқи сода ишлири министири петер сзиҗҗарто, дөлитиниң македонийә билән боснийә – гертсеговинаниң шималий атлантик әһди тәшкилати – натоға әза болушини қоллайдиғанлиқини билдүрди.

белгийәниң пайтәхти бирйусселда чақирилған натоға әза дөләтләрниң ташқи ишлар министирлири йиғиниға иштирак қилған петер, македонийәниң натоға әза болуш йолида гәвдилик қәдәмләрни ташлиғанлиқини, алдимиздики йили йанвар йаки феврал ейида гиретсийә билән исим мәсилисини һәл қилғандин кейин натоға әза болушини күтүватқанлиқини ейтти.

айрим учришишларда, македонийә ташқи ишлар министириға дөлитиниң һазирғичә болуп кәлгинидәк буниңдин кейинму үскүпниң йавро – атлантикқа маслишиш мусаписини қоллайдиғанлиқини тәкитлигән петер, «македонийә аллибурун нато әзаси болуп болуши керәк иди. һазирғичә көрсәткән тиришчанлиқи әза болуш үчүн йетәрлик» деди.

у, ғәрбий балқандики һәл болмиған мәсилиләрниң еғир кашилиларни чиқириватқанлиқини, буниң һәл қилинишиниң болса, йавро – атлантик маслишиш мусаписиниң сүритиниң ашурулушиға бағлиқ икәнликини қәйт қилди.

боснийә – гертсеговинаниң вингерийәгә җуғрапийәлик орун җәһәттин йеқин бир дөләт икәнликини, шуңа у йәрдики муқимлиқниң вингерийәгә нисбәтәнму муһим икәнликини тәкитлигән петер, будапешитниң боснийә – гертсеговинаниң нато әзалиқини қоллайдиғанлиқини сөзлиригә илавә қилди.



مۇناسىۋەتلىك خەۋەرلەر