seudi erebistanliqlar trampning méhmanxanisidin 500 hujra tutti

seudi erebistan namidin paaliyet qiliwatqan lobichilar trampning méhmanxanisining kirimini %25 ashurdi.

seudi erebistanliqlar trampning méhmanxanisidin 500 hujra tutti

türkiye awazi radiyosi xewiri: washingiton pochta géziti, seudi erebistan namidin paaliyet qiliwatqan lobichilarning 2016yilidiki pirézidéntliq saylimidin kéyin amérika pirézidénti donald trampning washingitondiki méhmanxanisida 3 ayghiche texminen 500 hojra tutup heq töligenlikini ilgiri sürdi.

washingiton pochta géziti qolgha keltürgen melumatlarni menbe qilghan xewiride, seudi erebistangha wekillik qilidighan lobichilarning hazirmu donald trampning igidarchiliqidiki méhmanxanigha 270 ming dollar heq töligenlikini yazdi.

xewerde lobichilarning seudi erebistanni biaram qilidighan bir qanungha qarshi lobi paaliyetliri bilen shughullinish üchün ilgiri amérika armiyeside wezipe ötigen kishilerge heqsiz washingiton ziyariti paaliyiti orunlashturup bergenlikliri, seudi erebistan hökümitige wekillik qilidighan lobichilarning 2016yilidiki pirézidéntliq saylimidin kéyin amérika pirézidénti donald trampnip washingitondiki méhmanxanisida 3 ayghiche texminen 500 hojra tutup heq töligenlikliri ilgiri sürüldi.

xewerde, her bir hojrining kündilik bahasining 768 dollar ikenliki, lobichilarning 6 guruppini méhman qilghanliqi, trampning méhmanxanisigha chüshken we ilgiri amérika armiyeside wezipe ötigen kishilerdin bezilerning bu sayahet chiqimlirining seudi erebistan hökümiti teripidin tölinidighanliqidinmu xewiri yoqluqini éytqanliqi qeyt qilindi.  

xewerde mezkur kishilerning hem seudi erebistan namidin palatagha bérip, hemde trampning méhmanxanisigha töhpe qoshush arqiliq 2 qétim ishlitilgenliki eskertildi.

xewerde yene, 2017yili fiwral éyidin buyan trampning chikago we niyu yorktiki méhmanxanlirigha chüshken seudi erebistanliq xiridarlarning sanining ashqanliqi, text warisi shahzade muhemmed bin selmangha amérika ziyariti jeryanida hemrah bolghanlarningmu niyu yorkta trampning méhmanxanisining kirimini %25 ashurghanliqi bildürüldi.



مۇناسىۋەتلىك خەۋەرلەر