сәуди әрәбистанлиқлар трампниң меһманханисидин 500 һуҗра тутти

сәуди әрәбистан намидин паалийәт қиливатқан лобичилар трампниң меһманханисиниң киримини %25 ашурди.

сәуди әрәбистанлиқлар трампниң меһманханисидин 500 һуҗра тутти

түркийә авази радийоси хәвири: вашингитон почта гезити, сәуди әрәбистан намидин паалийәт қиливатқан лобичиларниң 2016йилидики пирезидентлиқ сайлимидин кейин америка пирезиденти доналд трампниң вашингитондики меһманханисида 3 айғичә тәхминән 500 һоҗра тутуп һәқ төлигәнликини илгири сүрди.

вашингитон почта гезити қолға кәлтүргән мәлуматларни мәнбә қилған хәвиридә, сәуди әрәбистанға вәкиллик қилидиған лобичиларниң һазирму доналд трампниң игидарчилиқидики меһманханиға 270 миң доллар һәқ төлигәнликини йазди.

хәвәрдә лобичиларниң сәуди әрәбистанни биарам қилидиған бир қанунға қарши лоби паалийәтлири билән шуғуллиниш үчүн илгири америка армийәсидә вәзипә өтигән кишиләргә һәқсиз вашингитон зийарити паалийити орунлаштуруп бәргәнликлири, сәуди әрәбистан һөкүмитигә вәкиллик қилидиған лобичиларниң 2016йилидики пирезидентлиқ сайлимидин кейин америка пирезиденти доналд трампнип вашингитондики меһманханисида 3 айғичә тәхминән 500 һоҗра тутуп һәқ төлигәнликлири илгири сүрүлди.

хәвәрдә, һәр бир һоҗриниң күндилик баһасиниң 768 доллар икәнлики, лобичиларниң 6 гуруппини меһман қилғанлиқи, трампниң меһманханисиға чүшкән вә илгири америка армийәсидә вәзипә өтигән кишиләрдин бәзиләрниң бу сайаһәт чиқимлириниң сәуди әрәбистан һөкүмити тәрипидин төлинидиғанлиқидинму хәвири йоқлуқини ейтқанлиқи қәйт қилинди.  

хәвәрдә мәзкур кишиләрниң һәм сәуди әрәбистан намидин палатаға берип, һәмдә трампниң меһманханисиға төһпә қошуш арқилиқ 2 қетим ишлитилгәнлики әскәртилди.

хәвәрдә йәнә, 2017йили фиврал ейидин буйан трампниң чикаго вә нийу йорктики меһманханлириға чүшкән сәуди әрәбистанлиқ хиридарларниң саниниң ашқанлиқи, тәхт вариси шаһзадә муһәммәд бин сәлманға америка зийарити җәрйанида һәмраһ болғанларниңму нийу йоркта трампниң меһманханисиниң киримини %25 ашурғанлиқи билдүрүлди.



مۇناسىۋەتلىك خەۋەرلەر