xitay kanadadin méng wenjuni qoyup bérishini telep qildi

xitay, kanadadin, wankowérda nazaret astigha élinghan téxnologiye shirkiti xuawéyning xojayinining qizi we maliye ishliri diréktori méng wenjuning qoyup bérilishini telep qildi.

xitay kanadadin méng wenjuni qoyup bérishini telep qildi

türkiye awazi radiyosi xewiri: xitay, kanadadin amérika qoshma ishtatlirining irangha yürgüzgen émbargosigha xilapliq qilghanliqi ilgiri sürülüp nazaret astigha élinghan téxnologiye shirkiti xuawéyning xojayinining qizi we maliye ishliri diréktori méng wenjuning qoyup bérilishini telep qildi.

xitayning ottawada turushluq elchixanisi bayanat bérip, méng wenjuning amérika qoshma ishtatliri yaki kanada qanunlirigha xilapliq qilmighanliqini tekitlidi we kanadadin bu xataliqni waqtida tonup, méng wenjuni qoyup bérishini telep qildi. xitay elchixanisining bayanatida, «xitay terep, kishilik hoquqqa éghir xilap bu qilmishqa qattiq qarshi chiqidu we bu ehwalgha qattiq naraziliq bildüridu» dégen ibarilerge orun bérildi.

kanada edliye ministirliqining bayanatida, méngning, amérika qoshma ishtatlirining irangha yürgüzgen émbargosigha xilapliq qilish bilen 1 – dékabirda wankowér shehiride nazaret astigha élinghanliqi eskertilgen we amérikining telipige asasen nazaret astigha élinghan méng wenjuning 7 – dékabir jüme küni tunji sotqa chiqirilishining pilanliniwatqanliqini bildürgenidi.

méng wenju amérikigha ötküzüp bérilgen teqdirde, nyu york ishtatining sherqiy rayon mehkimiside sotlinidighanliqi bildürülgenidi.

amérika edliye ministirliqi, xitayning eqliyfon ishlepchiqarghuchisi we uchur –alaqe guruhi xuawéy üstidin irangha yürgüzülgen émbargogha xilapliq qilghanliqini ilgiri sürüp aprél éyida tekshürüsh élip bérishni bashlighanidi.


خەتكۈچ: xuawéy , kanada , amérika , xitay , méng wenju

مۇناسىۋەتلىك خەۋەرلەر